បន្ទាប់ពីប្រកាសស្នើរសុំអស់រយៈពេលជាច្រើនឆ្នាំ ពេលនេះ ក្រុមហ៊ុន Starlink របស់មហាសេដ្ឋីអាមេរិក Elon Musk បានទទួលអាជ្ញាប័ណ្ណពីក្រសួងទូរគមនាគមន៍របស់ប្រទេសឥណ្ឌាហើយ ដែលនេះគឺជាជាជំហានដ៏សំខាន់ក្នុងការចូលបម្រើសេវាកម្មអ៊ីនធឺណិតតាមផ្កាយរណបនៅក្នុងទីផ្សារឥណ្ឌា។
ក្នុងនោះ ការទទួលបានអាជ្ញាប័ណ្ណរបស់ក្រុមហ៊ុន Starlink នេះ បញ្ជាក់ថា Starlink គឺជាក្រុមហ៊ុនទី ៣ ដែលបានទទួលការយល់ព្រមពីសំណាក់រាជរដ្ឋាភិបាលឥណ្ឌា បន្ទាប់ពីក្រុមហ៊ុន OneWeb និង Reliance Jio ។
ជាមួយគ្នានេះ ក្រុមហ៊ុន Starlink ក៏បានចាប់ដៃគូជាមួយក្រុមហ៊ុនទូរគមនាគមន៍ធំៗនៅក្នុងប្រទេសឥណ្ឌាដូចជា Airtel និង Jio ដើម្បីចែកចាយឧបករណ៍ និងផ្តល់សេវាអ៊ីនធឺណិតបានយ៉ាងទូលំទូលាយនៅក្នុងទីផ្សារឥណ្ឌា ជាពិសេសនៅតំបន់ជនបទ សាលារៀន និងមជ្ឈមណ្ឌលថែទាំសុខភាព ដែលជាតំបន់មានការចូលប្រើអ៊ីនធឺណិតខ្សោយផងដែរ។
គួរបញ្ជាក់ថា បន្ទាប់បើកដៃឲក្រុមហ៊ុន Starlink របស់មហាសេដ្ឋីអាមេរិក Elon Musk ចូលវិនិយោគ វិស័យអវកាសរបស់ប្រទេសឥណ្ឌាត្រូវបានគេអះអាងថានឹងមានសក្តានុពលយ៉ាងខ្លាំងនៅក្នុងឆ្នាំ២០២៥ នេះ ហើយអាចមានតម្លៃច្រើនដល់ ១៣ ពាន់លានដុល្លារ៕