ក្នុងពេលថ្មីៗនេះ ក្រុមហ៊ុន REDMAGIC បានប្រកាសឲដឹងថា ពួកគេនឹងប្រកាសដាក់បង្ហាញចេញជាផ្លូវការនូវថេប្លេត REDMAGIC Gaming Tablet 3 Pro នៅក្នុងប្រទេសចិនក្នុងថ្ងៃទី 11 ខែមិថុនា ខាងមុខនេះហើយ ហើយក៏នឹងប្រកាសចេញលក់នៅទូទាំងពិភពលោកនៅក្នុងខែមិថុនាដូចគ្នានេះដែរ តែមានឈ្មោះថា REDMAGIC Astra Gaming Tablet ។
ក្នុងនោះ ថេប្លេតនេះ នឹងទទួលបាននូវអេក្រង់ OLED ទំហំ 9 អ៊ីញ មានកម្រិតបង្ហាញ 2.4K, 165Hz refresh rate និងកម្រិតពន្លឺខ្ពស់បំផុត 1600nit ដំណើរការដោយឈីប Snapdragon 8 Elite ។ លើសពីនេះ ថេប្លេតនេះ ក៏នឹងភ្ជាប់មកជាមួយកង្ហារ និងបន្ទះឈីបហ្គេម Synaptics S3930 touch ផងដែរ។
ចំពោះផ្នែកថាមពលថ្មវិញ REDMAGIC Gaming Tablet 3 Pro នឹងក្លាយជាថេប្លេតខ្នាតតូចដំបូងគេដែលមានថាមពលថ្មធំរហូតដល់ 8200mAh និងគាំទ្រការសាកថ្មល្បឿនលឿនកម្លាំង 80W ដែលអាចសាកបាន 50% ក្នុងរយៈពេលត្រឹមតែ 22 នាទី ប៉ុណ្ណោះ ជាមួយជម្រើសពណ៌ Deuterium Front Transparent, Deuterium Front Transparent Dark Night និង Deuterium Front Transparent Silver Wing ៕