ដូចកាលពីឆ្នាំមុនដែរ ក្រុមហ៊ុន Netflix នឹងចេញផ្សាយភាពយន្តយ៉ាងហោចណាស់មួយរឿងក្នុងមួយសប្តាហ៍ ក្នុងឆ្នាំ ២០២២ នេះ។
គួរឲ្យដឹងថា បច្ចុប្បន្ននេះ វាមានភាពយន្តជាង ៧០ ទៀតដែលនឹងដាក់បញ្ជាំងក្នុងឆ្នាំនេះ ហើយក្រុមហ៊ុនក៏បានផ្តល់នូវឈុតខ្លីៗចំពោះរឿងមួយចំនួនផងដែរ។
ខ្សែភាពយន្តដ៏ជក់ចិត្តជាច្រើនដែលបានចេញជាវីដេអូ Teaser រួមមានទាំងរឿង “Knives Out 2” ដែលជារឿងភាគនៃភាពយន្តកំប្លែង-អាថ៌កំបាំងដ៏អស្ចារ្យកាលឆ្នាំ ២០១៩ របស់ Rian Johnson។ បន្ថែមពីនេះ ក៏មានរឿង “Enola Holmes 2”, រឿង “Slumberland” និង រឿងប្រភេទ Stop-motion “Pinocchio” ពី Guillermo del Toro ផងដែរ។
ក្រៅពីនោះ អ្នកក៏អាចមើលនូវ Teaser រឿង “The Grey Man” ដែលជាភាពយន្តបែបរន្ធត់ ចំណាយថវិកាច្រើនពីអ្នកដឹកនាំរឿង Avengers: Endgame លោក Joe និង Anthony Russo ទៀតផង។
ក្នុងចំណោមខ្សែភាពយន្តផ្សេងទៀតរបស់ Netflix គឺភាពយន្តបែបវិទ្យាសាស្ត្រដែលសម្តែងដោយ Halle Berry (The Mothership) និង Adam Sandler (Spaceman) និងកំណែថ្មីនៃរឿង Matilda។ ដូចសព្វមួយដង Netflix មានផ្តល់ជូនយ៉ាងទូលំទូលាយនៅឆ្នាំនេះ រួមទាំងរឿងបែបសកម្មភាព កំប្លែង ស្នេហា ភ័យរន្ធត់ និង ភាពយន្តគ្រួសារ ផងដែរ៕