ក្រុមហ៊ុនស្រាបៀរដ៏ធំបំផុតរបស់វៀតណាម Sabeco បាននិយាយថា ប្រាក់ចំណេញក្រោយពន្ធបានធ្លាក់ចុះជាង ១ទ្រីលានដុង (៤៤៣ លានដុល្លារ) កាលពីឆ្នាំមុន មកត្រឹម ៣,៩៣ ទ្រីលានដុង ដែលជាចំនួនទាបបំផុត ចាប់តាំងពីវាត្រូវបានទិញយកដោយមហាសេដ្ឋីថៃ។
ពាណិជ្ជកម្ម
ប្រាក់ចំណូលសរុបរបស់ Sabeco មានចំនួន ២៦,៣៧ ទ្រីលានដុង ធ្លាក់ចុះ ៦ ភាគរយ។ គួរឲ្យដឹងថា Thaibev ដែលជាកម្មសិទ្ធិរបស់ Charoen Sirivadhanabhakdi បានទិញក្រុមហ៊ុននេះ នៅចុងឆ្នាំ ២០១៧។
ទោះបីជាយ៉ាងណាក៏ដោយ ក្រុមហ៊ុនបានស្តីបន្ទោសការផ្ទុះឡើងនៃជំងឺកូវីដ១៩ និងការរឹតបន្តឹងជាបន្តបន្ទាប់នៅក្នុងខេត្ត និងទីក្រុងជាច្រើននៅទូទាំងប្រទេសវៀតណាម ចំពោះការធ្លាក់ចុះនៃចំណូលរបស់ខ្លួន។
យោងតាមការិយាល័យស្ថិតិទូទៅបានឲ្យដឹងថា ជនជាតិវៀតណាមបានប្រើប្រាស់ស្រាបៀរ ចំនួន ១,៣ លីត្រក្នុងមនុស្សម្នាក់ក្នុងឆ្នាំ ២០២០។ ប្រទេសនេះមានប្រជាជនជាង ៩៨,៥លាននាក់ឯណោះ៕