អ្នកមានបំផុតលើលោក អាចរកចំណូលអ្នកធ្វើការមួយជីវិត ត្រឹម៥វិនាទី

ស្របពេលដែលពិភពលោកកំពុងជួបបញ្ហា ដោយសារតែជំងឺកូវីដ១៩ មនុស្សមួយចំនួនក៏ជួបប្រទះនឹងបញ្ហាហិរញ្ញវត្ថុ ខណៈមនុស្សមួយចំនួនទៀត កាន់តែមានទៅៗ។

ជាក់ស្តែង អ្នកមានទ្រព្យសម្បត្តិច្រើនបំផុតលើលោក គឺ លោក Jeff Bezos អាចរកប្រាក់ចំណូលរបស់អ្នកធ្វើការធម្មតា ក្នុងមួយជីវិត ដោយចំណាយពេលត្រឹមតែប៉ុន្មានវិនាទីប៉ុណ្ណោះ។ បច្ចុប្បន្ននេះ CEO ក្រុមហ៊ុន Amazon វ័យ៥៦ឆ្នាំរូបនេះមានទ្រព្យសម្បត្តិសរុប ២០០ពាន់លានដុល្លារ។

ពាណិជ្ជកម្ម

ក្នុងរយៈពេលមួយថ្ងៃ ទ្រព្យសម្បត្តិរបស់លោក Bezos បានកើនឡើង ១៣ពាន់លានដុល្លារ។ បើគិតទៅ វាស្មើនឹងប្រហែលខ្ទង់ ៥៤ ៦៣៤ ០០០ដុល្លារក្នុងមួយម៉ោង។ ៩ ១០៥ ០០០ ដុល្លារក្នុងមួយនាទី។ ១៥១ ៧០០ដុល្លារក្នុងមួយវិនាទី។

គួរឲ្យដឹងថា បើតាមទិន្នន័យបានបង្ហាញថា ជាមធ្យមអ្នកធ្វើការធម្មតាមានប្រាក់ចំណូលមួយជីវិត ប្រហែល ៨៤៤ ០០០ដុល្លារ ដោយតួលេខប៉ុណ្ណេះគឺស្មើនឹងលោក Bezos រកត្រឹមតែ ៥,៥វិនាទីប៉ុណ្ណោះ៕