តារាសម្តែង Sylvester Stallone ដែលគ្រប់គ្នាស្គាល់ថា Rambo នឹងដាក់លក់ដេញថ្លៃនាឡិកាដ៏មានតម្លៃរបស់ខ្លួន ដោយក្នុងនោះរួមមានទាំង នាឡិកាពិសេស ២ គ្រឿង ដែលបានល្បីល្បាញនៅក្នុងខ្សែភាពយន្តរបស់លោកផងដែរ។
គួរឲ្យដឹងថា Stallone ត្រូវបានគេស្គាល់ថា ជាអ្នកដែលចូលចិត្តសន្សំនាឡិកាទុក អស់រយៈពេលជាយូរមកហើយ។ ទោះជាយ៉ាងណា តារាសម្តែងវ័យ ៧៤ឆ្នាំនេះនឹងដាក់លក់ដេញថ្លៃនាឡិកាដ៏មានតម្លៃរបស់ខ្លួន ចំនួន ៥គ្រឿង នៅថ្ងៃទី១២ ខែធ្នូ ឆ្នាំ២០២០ ខាងមុខនេះ។
ជំនួយឲ្យការផ្តោតខ្លាំងទៅលើម៉ាកល្បីៗ ដូចជា Rolex ឬ Patek Philippe លោក Stallone បែរងាកទៅប្រមូលទុកម៉ាកផ្សេង ដូចជា Panerai និង Richard Mille ជាដើម។ ការដាក់លក់ដេញថ្លៃរបស់លោក នឹងមាននាឡិកាម៉ា Richard Mille ៤គ្រឿង និង ម៉ាក Panerai ១គ្រឿង។
យ៉ាងណាមិញ នាឡិកាដែលលោក Stallone នឹងដាក់លក់ដេញថ្លៃនោះ មានតម្លៃចាប់ពីខ្ទង់ ៦ម៉ឺនដុល្លារ ដល់ ៦០ម៉ឺនដុល្លារឯណោះ៕