Apple បានប្រកាសចេញលក់ MacBook Air ដែលបំពាក់បន្ទះឈីប M1 ផលិតខ្លួនឯងថ្មី ដោយមិនមានផ្លាស់ប្តូរការឌីហ្សាញឡើយពីជំនាន់មុន។
Apple អះអាងថា វាមានល្បឿន CPU លឿនជាងមុន ៣,៥ដង និង GPU លឿនជាងមុន ៥ដង បើប្រៀបធៀបនឹង MacBook Air ជំនាន់មុន។ មិនតែប៉ុណ្ណោះ សូម្បីតែ SDD របស់វាក៏លឿនជាងមុន ២ដងដែរ។
ក្រៅពីមានដំណើរការប្រសើរជាងមុន អ្នកក៏នឹងទទួលបានថាមពលថ្មខ្លាំងជាងមុន ដោយ MacBook Air ប្រើបន្ទះឈីប M1 នេះអាចស៊ូបានដល់ ១៥ម៉ោង បើអូសមើលលើវេបសាយ ដោយប្រើ Wi-Fi និងដល់ ១៨ម៉ោង បើមើលវីដេអូ Offline។ នេះមានន័យថា វាអាចស៊ូលើស MacBook Air ជំនាន់មុនដល់ទៅ ៦ម៉ោងឯណោះ ហើយក៏ជា MacBook Air ដែលកាន់ថ្មបំផុតមិនធ្លាប់មានពីមុនមកផងដែរ។
MacBook Air ប្រើបន្ទះឈីប M1 នឹងមានតម្លៃចាប់ពី ៩៩៩ដុល្លារ ដោយមាន CPU 8 cores និង GPU 7 cores, RAM 8GB និង ROM 256GB។ វាមាន ៣ ពណ៌ គឺ Space Gray , ទឹកមាស និងទឹកប្រាក់ ហើយដំណើរការប្រព័ន្ធប្រតិបត្តិការណ៍ macOS Big Sur៕