ក្រុមហ៊ុន Samsung Vietnam បានប្រកាសពីកំណើនប្រាក់ចំណូល ១៤ ភាគរយដល់ ៧៤,២ ពាន់លានដុល្លារកាលពីឆ្នាំមុន ទោះបីជាមានផលប៉ះពាល់ពីជំងឺកូវីដ១៩ ក៏ដោយ។
ក្នុងនោះដែរ ក្រុមហ៊ុនបាននាំចេញផលិតផលមានតម្លៃ ៦៥,៥ ពាន់លានដុល្លារ កើនឡើង ១៦ ភាគរយពីឆ្នាំ ២០២០។
Samsung Vietnam បាននិយាយថា លទ្ធផលត្រូវបានសម្រេចដោយសារតែរោងចក្ររបស់ខ្លួន ដាក់វិធានការណ៍យ៉ាងតឹងរឹងប្រឆាំងនឹងជំងឺរាតត្បាត និងទទួលបានការគាំទ្រពីរដ្ឋាភិបាល។
គួរឲ្យដឹងថា ការរួមចំណែកដ៏សំខាន់ចំពោះប្រាក់ចំណូលឆ្នាំ ២០២១ របស់ Samsung Vietnam បានមកពីស្មាតហ្វូនទាំងពីរម៉ូដែល គឺ Galaxy Z Fold 3 និង Galaxy Z Flip 3។ ក្រុមហ៊ុននេះបានលក់ស្មាតហ្វូនបត់អេក្រង់ ចំនួន ៤ម៉ូដែល នៅទូទាំងពិភពលោកកាលពីឆ្នាំមុន ។
សូមបញ្ជាក់ឲ្យដឹងដេរថា ជាង ៥០ ភាគរយនៃស្មាតហ្វូនរបស់ Samsung ត្រូវបានផលិតនៅក្នុងប្រទេសវៀតណាម ហើយត្រូវបាននាំចេញទៅកាន់ ១២៨ ប្រទេស និងតំបន់ នៅទូទាំងពិភពលោក៕