ក្រុមហ៊ុន Amazon បានទម្លាក់ចោលផែនការដើម្បីរារាំងការទូទាត់កាតឥណទាន Visa របស់ចក្រភពអង់គ្លេសនៅសប្តាហ៍នេះ ខណៈដែលភាគីទាំងពីរនៅតែបន្តព្យាយាមដោះស្រាយជម្លោះលើថ្លៃទូទាត់។
ពាណិជ្ជកម្ម
ក្រុមហ៊ុន Amazon បាននិយាយថា “ការផ្លាស់ប្តូរដែលរំពឹងទុកទាក់ទងនឹងការប្រើប្រាស់ប័ណ្ណឥណទាន Visa នៅលើគេហទំព័រ Amazon.co.uk នឹងលែងកើតឡើងនៅថ្ងៃទី ១៩ ខែមករា ទៀតហើយ”។
ជាមួយគ្នានេះ Visa បានបញ្ជាក់ទៀតថា ខ្លួនកំពុងធ្វើការយ៉ាងដិតដល់ ដើម្បីឈានដល់កិច្ចព្រមព្រៀងមួយ។
គួររំលឹកឲ្យដឹងថា ក្រុមហ៊ុន Amazon បាននិយាយកាលពីឆ្នាំមុនថា ការចំណាយលើការទូទាត់ Visa គឺជា “ឧបសគ្គ” ក្នុងការផ្តល់នូវតម្លៃដ៏ល្អបំផុតសម្រាប់អតិថិជន។ ប៉ុន្តែ Visa បានចោទប្រកាន់ក្រុមហ៊ុន Amazon ពីការគំរាមកំហែងដាក់កម្រិតជម្រើសរបស់អ្នកប្រើប្រាស់។
យ៉ាងណាមិញ Visa បាននិយាយថា “នៅពេលដែលជម្រើសរបស់អ្នកប្រើប្រាស់មានកំណត់ គ្មាននរណាម្នាក់ឈ្នះនោះទេ”៕