ក្រុមហ៊ុន Logitech International SA បានរាយការណ៍នៅថ្ងៃអង្គារនេះ ពីការកើនឡើងនៃការលក់របស់ខ្លួន នៅក្នុងត្រីមាសទី២ នៃឆ្នាំ២០២១ ខណៈដែលក្រុមហ៊ុនផលិតគ្រឿងកុំព្យូទ័រនេះ បន្តមើលឃើញការកើនឡើងនៃតម្រូវការសម្រាប់ផលិតផលរបស់ខ្លួន ពីអ្នកធ្វើការពីផ្ទះ។
ក្រុមហ៊ុនផលិត Keyboard, Mouse និងកាសស្តាប់ត្រចៀក ស្វីស-អាមេរិក ខាងលើបាននិយាយថា ការលក់របស់ខ្លួនក្នុងរយៈពេល ៣ខែ ដែលបានបញ្ចប់នៅថ្ងៃទី៣០ ខែកញ្ញា បានកើនឡើង ៤ភាគរយ ដល់ ១,៣១ពាន់លានដុល្លារអាមេរិក ដែលលើសពីការព្យាករណ៍ត្រឹមចំនួន ១,២៥ ពាន់លានដុល្លារ ពីការស្ទង់មតិរបស់អ្នកវិភាគ Refinitiv។
គួរឲ្យដឹងដែរថា ក្រុមហ៊ុន Logitech បាននិងកំពុងរីករាយនឹងការរីកដុះដាលខ្លាំង ក្នុងអំឡុងពេលមានជំងឺកូវីដ១៩ ដោយសារបុគ្គលិកដែលធ្វើការពីផ្ទះបានទិញក្តារចុច និង Mouse របស់ខ្លួនកាន់តែច្រើន ខណៈដែលកាមេរ៉ា Wecam ក៏ត្រូវបានប្រើប្រាស់កាន់តែខ្លាំងឡើង សម្រាប់ការប្រជុំពីចម្ងាយផងដែរ។
មិនតែប៉ុណ្ណោះ ចំពោះអ្នកលេងហ្គេមដូចជា League of Legends, Fortnite និងហ្គេម Multiplayer ផ្សេងទៀត ក៏ជាកត្តាជំរុញកំណើន ការទិញកាស និងក្តារចុច ព្រមទាំងឧបករណ៍បញ្ជាផ្សេងៗដែរ៕