ប្រទេសវៀតណាមត្រូវការប្រាក់ចំនួន ១៣,៧៧ ពាន់លានដុល្លារ នៅត្រឹមឆ្នាំ ២០៣០ ដើម្បីធ្វើឲ្យប្រសើរឡើង និងបង្កើនប្រសិទ្ធភាពប្រព័ន្ធកំពង់ផែរបស់ខ្លួន ដើម្បីកាត់បន្ថយការពឹងផ្អែកលើការដឹកជញ្ជូនតាមផ្លូវគោក និងជំរុញពាណិជ្ជកម្ម។
យោងតាមផែនការរបស់រដ្ឋាភិបាលវៀតណាមសម្រាប់ឆ្នាំ ២០២១-២០៣០ ដែលមានចក្ខុវិស័យរហូតដល់ឆ្នាំ ២០៥០ នឹងមានស្ថានីយដែលមានចំណាត់ថ្នាក់ពិសេសចំនួនពីរ គឺ Nam Do Son នៅភាគខាងជើងទីក្រុង Hai Phong និង Cai Mep នៅខេត្ត Ba Ria-Vung Tau ភាគខាងត្បូង។
ស្ថានីយទាំងនេះនឹងដើរតួជាមជ្ឈមណ្ឌលអន្តរជាតិសម្រាប់ទំនិញវៀតណាម ដែលត្រូវដឹកជញ្ជូនដោយផ្ទាល់ទៅកាន់អឺរ៉ុប និងអាមេរិក (ទីផ្សារនាំចេញធំបំផុតពីរ) ដូច្នេះអាជីវកម្មលែងត្រូវការបញ្ជូនទំនិញរបស់ខ្លួនទៅកាន់មជ្ឈមណ្ឌលកម្រិតមធ្យម នៅក្នុងប្រទេសផ្សេងទៀត។
ដោយឡែក កំពង់ផែចំនួន ៣៤ ដែលនៅសល់ នឹងត្រូវបែងចែកជា ៣ ប្រភេទ គឺថ្នាក់ទី១, ទី២ និង ទី៣ អាស្រ័យលើសមត្ថភាព និងទីតាំងរបស់វា។ កំពង់ផែដែលមានចំណាត់ថ្នាក់ពិសេស និងកម្រិត១ នឹងត្រូវភ្ជាប់ជាមួយកំពង់ផែតូចជាងមុន ដោយផ្លូវដែក និងផ្លូវថ្នល់ ដែលផ្តល់អាទិភាពថ្មីៗ។ កំពង់ផែតូចបំផុតដែលមានទីតាំងស្ថិតនៅក្នុងទឹកជ្រៅ នឹងត្រូវដកចេញ។
អនុរដ្ឋមន្រ្តីក្រសួងដឹកជញ្ជូនវៀតណាម លោក Nguyen Xuan Sang បាននិយាយថា ផែនការថ្មីនេះនឹងផ្តោតលើការអភិវឌ្ឍន៍ផ្លូវដឹកជញ្ជូនរវាងតំបន់នានា ជាជាងការពឹងផ្អែកលើផ្លូវថ្នល់៕