បន្ទាប់ពីគ្របដណ្តប់លើទីផ្សាររថយន្តអគ្គិសនី លោក Elon Musk មេ Tesla បានប្រកាសអំពីផែនការចុងក្រោយរបស់ខ្លួន គឺ “មនុស្សយន្ត”។
ពាណិជ្ជកម្ម
យោងតាមប្រភពព័ត៌មានបានឲ្យដឹងថា សហគ្រិនខាងលើបាននិយាយកាលពីថ្ងៃព្រហស្បតិ៍ ទី ១៩ ខែសីហា ថា លោកនឹងផលិតគំរូដើមដំបូងនៃ “Tesla Bot” នៅឆ្នាំក្រោយ។
ដោយផ្អែកលើបច្ចេកវិទ្យាដូចគ្នានឹងប្រព័ន្ធបើកបរស្វ័យប្រវត្តិពាក់កណ្តាលរបស់ក្រុមហ៊ុន Tesla មនុស្សយន្តនោះនឹងអាចបំពេញភារកិច្ចដដែលៗ ក្នុងគោលបំណងលុបបំបាត់តម្រូវការមនុស្ស ក្នុងការដោះស្រាយការងារដែលមានគ្រោះថ្នាក់ ឬគួរឲ្យធុញទ្រាន់។
លោក Elon បាននិយាយថា “Tesla គឺជាក្រុមហ៊ុនមនុស្សយន្តធំបំផុតរបស់ពិភពលោក ព្រោះរថយន្តរបស់ពួកយើង គឺជាមនុស្សយន្តដែលមានកង់។ វាសមហេតុផលណាស់ក្នុងការប្រែក្លាយវាទៅជាទម្រង់រូបរាងមនុស្ស”៕