យោងតាមប្រភពព័ត៌មានបានឲ្យដឹងថា តម្លៃនៃរូបិយប័ណ្ណឌីជីថល Bitcoin បានកើនឡើង ៥,០១ ភាគរយ ដល់ ៤៩ ១០៦ ដុល្លារ នៅថ្ងៃសុក្រ ទី២១ ខែសីហា ឆ្នាំ២០២១ នេះ ដោយឡើងបន្ថែមចំនួន ២ ៣៤២ ដុល្លារ ពីតម្លៃចាស់របស់វា។
គួរឲ្យដឹងថា Bitcoin ដែលជារូបិយប័ណ្ណឌីជីថលដ៏ធំ និងល្បីបំផុតរបស់ពិភពលោក បានកើនឡើង ៧៧,៤ ភាគរយ ពីកម្រិតទាបប្រចាំឆ្នាំ ចំនួន ២៧ ៧៣៤ ដុល្លារ កាលពីថ្ងៃទី ៤ ខែមករា។
ពាណិជ្ជកម្ម
ដោយឡែក រូបិយប័ណ្ណឌីជីថលដ៏ល្បីមួយទៀតគឺ Ethereum ក៏បានកើនឡើងថ្លៃ ៣,០៣ ភាគរយ ស្មើនឹង ៣ ២៨១ ដុល្លារ កាលពីថ្ងៃសុក្រ ដោយបន្ថែមតម្លៃ ៩៦,៦៤ ដុល្លារដល់តម្លៃចាស់របស់វា។
គួររំលឹកឲ្យដឹងដែរថា កាលពីខែកក្កដាកន្លងទៅនេះ អឺរ៉ុប បានដាក់ចេញនូវផែនការធ្វើឲ្យការផ្ទេរ Bitcoin កាន់តែងាយស្រួលតាមដាន ដោយនឹងបង្ខំឲ្យក្រុមហ៊ុនដែលផ្ទេរ Bitcoin ឬរូបិយប័ណ្ណឌីជីថលផ្សេងទៀត ប្រមូលព័ត៌មានលម្អិតអំពីអ្នកទទួល និងអ្នកផ្ញើ៕