ក្រុមហ៊ុនបច្ចេកវិទ្យាយក្សអាមេរិក Apple បានពន្យាពេលហៅបុគ្គលិកមកធ្វើការនៅការិយាល័យវិញ រហូតដល់ខែមករា ឆ្នាំ២០២២ ស្របពេលដែលកំពុងមានការព្រួយបារម្ភអំពីការកើនឡើងនៃជំងឺកូវីដ១៩។
ពាណិជ្ជកម្ម
យោងតាមប្រភពព័ត៌មានបានឲ្យដឹងថា បុគ្គលិកក្រុមហ៊ុន Apple ត្រូវបានជូនដំណឹងអំពីការសម្រេចចិត្តខាងលើ នៅក្នុងកំណត់ហេតុរបស់ក្រុមហ៊ុនកាលពីថ្ងៃព្រហស្បតិ៍ ហើយណែនាំបុគ្គលិករបស់ពួកគេឲ្យចាក់វ៉ាក់សាំងទៀតផង។
Apple គឺជាក្រុមហ៊ុនចុងក្រោយបង្អស់របស់អាមេរិក ដែលបានកែប្រែផែនការរបស់ខ្លួនឡើងវិញ ក្រោមឥទ្ធិពលនៃវីរុសថ្មី Delta។ សូមបញ្ជាក់ឲ្យដឹងថា កន្លងមក Apple បានហៅបុគ្គលិកឲ្យត្រលប់ទៅធ្វើការនៅការិយាល័យវិញ នៅដើមខែកញ្ញា មុនពេលផ្លាស់ប្តូរទៅខែតុលា។
ទោះបីជាយ៉ាងណាក៏ដោយ យោងតាមទីភ្នាក់ងារព័ត៌មាន Bloomberg ក្រុមហ៊ុន Apple បាននិយាយថាខ្លួនគ្មានផែនការបិទការិយាល័យ ឬហាងលក់រាយរបស់ខ្លួនឡើយ៕