គេហទំព័រ OnlyFans ដែលត្រូវបានគេស្គាល់ថាជា វេបសាយមាតិកាសម្រាប់មនុស្សពេញវ័យ បានប្រកាសថា ខ្លួននឹងហាមឃាត់រូបថត និងវីដេអូអាសអាភាស ចាប់ពីថ្ងៃទី ១ ខែតុលា តទៅ។
ទោះបីជាយ៉ាងណាក៏ដោយ អ្នកប្រើប្រាស់នឹងនៅតែអាចបង្ហោះមាតិកាអាក្រាតនៅលើគេហទំព័រនេះ ប៉ុន្តែវានឹងចាំបាច់ត្រូវស្របតាមគោលការណ៍របស់ OnlyFans។
ការប្រកាសនេះកើតឡើងបន្ទាប់ពីសារព័ត៌មាន BBC News បានទាក់ទងក្រុមហ៊ុនខាងលើដើម្បីឆ្លើយតបទៅនឹងការលេចធ្លាយឯកសារទាក់ទងនឹងគណនីដែលបង្ហោះមាតិកាខុសច្បាប់។ OnlyFans បាននិយាយថា ការផ្លាស់ប្តូរនេះបានកើតឡើងបន្ទាប់ពីមានសម្ពាធពីដៃគូធនាគារ។
គួរឲ្យដឹងថា គេហទំព័រនេះមានការរីកចម្រើនខ្លាំងក្នុងអំឡុងពេលមានជំងឺរាតត្បាតកូវីដ១៩ ហើយនិយាយថា វាមានអ្នកប្រើប្រាស់ចំនួន ១៣០ លាននាក់ឯណោះ។
គេហទំព័រ OnlyFans បាននិយាយនៅក្នុងសេចក្តីថ្លែងការណ៍មួយថា “ដើម្បីធានានិរន្តរភាពរយៈពេលវែងនៃវេទិការបស់យើង និងបន្តធ្វើជាម្ចាស់ផ្ទះនៃសហគមន៍អ្នកបង្កើតមាតិកា និងអ្នកគាំទ្រ យើងត្រូវតែវិវត្តគោលការណ៍របស់យើង”៕