ប្រធានាធិបតីអាមេរិក លោក Joe Biden បានប្រកាសពីគោលដៅមួយ ដោយចង់ឲ្យចំនួនលក់រថយន្តពាក់កណ្តាលនៅសហរដ្ឋអាមេរិក ជាប្រភេទប្រើថាមពលអគ្គិសនីសុទ្ធ នៅត្រឹមឆ្នាំ ២០៣០។
ពាណិជ្ជកម្ម
លោក Biden បានចាត់ទុកវិធានការនេះថា ជាមធ្យោបាយប្រកួតប្រជែងជាមួយប្រទេសចិន និងប្រទេសដទៃទៀត ដែលបានវិនិយោគលើយានយន្តអគ្គិសនី ខណៈកំពុងផ្លាស់ប្តូរវិស័យដឹកជញ្ជូនអាមេរិក ដែលជាប្រភពធំបំផុតនៃការបំភាយកាបូនរបស់ប្រទេស។
ថ្លែងនៅឯសេតវិមាន នៅពីមុខរថយន្តអគ្គិសនីជាច្រើន លោក Biden បានហៅពួកវាថាជា “ចក្ខុវិស័យនៃអនាគត” ដែលឥឡូវនេះកំពុងចាប់ផ្តើមកើតឡើង ជាអនាគតនៃឧស្សាហកម្មរថយន្តដែលប្រើថាមពលអគ្គិសនីសុទ្ធ, ប្រើអាគុយអេឡិចត្រូនិក, Plug-in Hybrid និង អ៊ីដ្រូហ្សែន។
លោកបានបន្ថែមទៀតថា “វាជារថយន្តអគ្គីសនី ហើយមិនមានការត្រលប់ថយក្រោយឡើយ។ សំនួរដែលត្រូវសួរនោះគឺ តើយើងនឹងនាំមុខគេ ឬក៏នៅក្រោយគេប៉ុណ្ណោះ”៕