តម្លៃដីនៅទីក្រុងហូជីមិញ ក្នុងតំបន់ទីប្រជុំជនឡើងដល់ ៥ ៧០០ ដុល្លារក្នុងមួយម៉ែត្រការ៉េ

យោងតាមប្រភពព័ត៌មានបានឲ្យដឹងថា តម្លៃដីជាមធ្យមដែលត្រូវបានប្រើសម្រាប់សាងសង់ផ្ទះនៅ ឬវីឡាទីប្រជុំជន ក្នុងទីក្រុងហូជីមិញ បានកើនឡើងដល់ ១៣១លានដុង ឬ ៥ ៧០០ដុល្លារក្នុងមួយម៉ែត្រការ៉េ។

បើយោងតាមអ្នកផ្តល់សេវាអចលនៈទ្រព្យវៀតណាម JLL បាននិយាយថា ដីស្រដៀងគ្នានេះមានតម្លៃចន្លោះពី ១ ៨០០ ទៅ ៣ ០០០ ដុល្លារនៅតាមបណ្តាខេត្តជិតខាង ដូចជា Long An, Dong Nai, Binh Duong និង Ba Ria-Vung Tau ជាដើម។

ពាណិជ្ជកម្ម

ស្របពេលដែលកំពុងមានរលកទី៤ នៃជំងឺកូវីដ១៩ ក្រុមវិនិយោគិនអចលនទ្រព្យជាច្រើនបានចាប់ផ្តើមលក់អចលនទ្រព្យរបស់ពួកគេតាមអ៊ិនធឺណិត ដោយផ្តល់លក្ខខណ្ឌទូទាត់កាន់តែយូរឆ្នាំ។

គួរឲ្យដឹងថានៅត្រីមាសទី ២ ឆ្នាំ២០២១ នេះ ផ្ទះដែលអាចទិញផ្តាច់ត្រូវបានដាក់លក់រហូតដល់ចំនួន ១ ៨៤៣ ខ្នង នៅទីក្រុងហូជីមិញ និងខេត្តជិតខាងនោះ។ ប្រតិបត្តិការភាគច្រើនទាក់ទងនឹងបុរី និងផ្ទះវីឡា៕