ក្រុមហ៊ុន Samsung ព្យាករថាប្រាក់ចំណេញប្រចាំត្រីមាស នឹងកើនឡើង ៥៣ ភាគរយ

ក្រុមហ៊ុនបច្ចេកវិទ្យាយក្ស Samsung Electronics បាននិយាយថា ខ្លួនរំពឹងថាប្រាក់ចំណេញប្រចាំត្រីមាសរបស់ខ្លួននឹងកើនឡើង ៥៣ ភាគរយ ចំពេលមានកង្វះបន្ទះឈីបជាសកល។

ក្រុមហ៊ុនផលិតបន្ទះឈីបអង្គចងចាំ និងស្មាតហ្វូនធំជាងគេបំផុតរបស់ពិភពលោកនេះ បានព្យាករពីប្រាក់ចំណេញប្រតិបត្តិការចំនួន ១១ ពាន់លានដុល្លារ សម្រាប់រយៈពេល ៣ ខែ ដល់ចុងខែមិថុនា។

ពាណិជ្ជកម្ម

Samsung Electronics បាននិយាយថា តម្រូវការខ្លាំងសម្រាប់បន្ទះឈីបអង្គចងចាំ បានទូទាត់នឹងការលក់ឧបករណ៍ខ្សោយជាងមុន ដោយសារតែកង្វះខាតគ្រឿងបន្លាស់។

គួរឲ្យដឹងថា កាលពីមួយឆ្នាំមុន ក្នុងរយៈពេលប៉ុន្មានខែដំបូងនៃការរាតត្បាតជំងឺកូវីដ១៩ ក្រុមហ៊ុន Samsung បានមើលឃើញការលក់ផលិតផល ដូចជា ទូរសព្ទ និងទូរទស្សន៍ធ្លាក់ចុះ។

ចាប់តាំងពីពេលនោះមក តម្រូវការគ្រឿងអេឡិចត្រូនិចបានកើនឡើង នៅពេលដែលប្រជាជនផ្លាស់ប្តូរជីវិតរបស់ពួកគេមករស់នៅតាមបែបអ៊ិនធឺណិត ខណៈដែលក្រុមហ៊ុនផលិតបន្ទះឈីបជាច្រើនបានព្យាយាមដើម្បីឲ្យទាន់តាមតម្រូវការ៕