តួលេខផ្លូវការបានបង្ហាញថា កំណើនការងាររបស់សហរដ្ឋអាមេរិកបានកើនឡើងយ៉ាងឆាប់រហ័ស នៅក្នុងខែមិថុនា ស្របពេលដែលអាជីវកម្មចាប់ផ្តើមបើកឡើងវិញ។
និយោជិកបានបង្កើតការងារច្រើនជាង ៨៥០ ០០០ ការងារ ដែលលើសការរំពឹងទុកកាលពីខែមុន ដែលជំរុញដោយមុខតំណែងថ្មីៗនៅក្នុងបារ និងភោជនីយដ្ឋាន ព្រមទាំងការលក់រាយ និងវិស័យការអប់រំ ផងដែរ។
ការិយាល័យស្ថិតិសហរដ្ឋអាមេរិក US Bureau of Labor Statistics បាននិយាយថា ទោះបីជាមានការកើនឡើងក្នុងការជួលក៏ដោយ អត្រាគ្មានការងារធ្វើបានផ្លាស់ប្តូរបន្តិចបន្តួចប៉ុណ្ណោះ គឺ ៥,៩ ភាគរយ។
ទោះបីជាចំនួនអ្នកមានការងារធ្វើត្រូវបានគេមើលឃើញថា មានចំនួនខ្ពស់បំផុតដល់ ៩,៣ លាននាក់ក៏ដោយ ក៏ក្រុមហ៊ុនដូចជា McDonald និង Chipotle ដែលស្ថិតនៅក្នុងឧស្សាហកម្មបដិសណ្ឋារកិច្ច បានបង្កើនប្រាក់ឈ្នួលអប្បបរមានៅក្នុងភោជនីយដ្ឋាននៃក្រុមហ៊ុនរបស់ពួកគេ ដើម្បីព្យាយាមទាក់ទាញបុគ្គលិកថ្មីផងដែរ។
តួលេខប្រចាំខែថ្មីបានបង្ហាញថា ប្រាក់ចំណូលជាមធ្យមក្នុងមួយម៉ោងបានកើនឡើង ០,៣% កាលពីខែមុន បន្ទាប់ពីកើនឡើង ០,៤% ក្នុងខែឧសភា៕