យោងតាមប្រភពព័ត៌មានបានឲ្យដឹងថា តម្លៃទីផ្សារភាគហ៊ុនរបស់ក្រុមហ៊ុន Facebook បានឡើងដល់ ១ ទ្រីលានដុល្លារជាលើកដំបូង បន្ទាប់ពីក្រុមហ៊ុនបច្ចេកវិទ្យាយក្សមួយនេះទទួលបានជ័យជម្នះពីតុលាការប្រឆាំងនឹងនិយតករអាមេរិក។
តុលាការសហព័ន្ធបានច្រានចោលបណ្តឹងចំនួន ២ ពីគណៈកម្មការពាណិជ្ជកម្មសហព័ន្ធ (Federal Trade Commission) និងរដ្ឋចំរុះ ដែលបានធ្វើឲ្យភាគហ៊ុន Facebook កើនឡើង ៤,២ ភាគរយ។
ការកើនឡើងភាគហ៊ុននេះ បានធ្វើឲ្យតម្លៃខ្លួនរបស់ក្រុមហ៊ុន Facebook ឡើងលើស ១ ទ្រីលានដុល្លារ និងធ្វើឲ្យវាក្លាយជាក្រុមហ៊ុនចុងក្រោយគេបង្អស់ នៃក្រុមហ៊ុនបច្ចេកវិទ្យាធំៗទាំង ៥ ដែលឈានដល់តម្លៃខ្លួនខ្ទង់ទ្រីលានដុល្លារនេះ។
គួរឲ្យដឹងដែរថា សកម្មភាពផ្លូវច្បាប់ខាងលើ បានចោទប្រកាន់ក្រុមហ៊ុន Facebook ពីបទប្រកួតប្រជែងមិនត្រឹមត្រូវ។ ប៉ុន្តែចៅក្រមបានសម្រេចថា បណ្តឹងប្រឆាំងនឹងបណ្តាញសង្គមយក្សខាងលើនេះ គឺមិនច្បាស់លាស់នោះទេ៕