ក្រុមហ៊ុនតាក់ស៊ីយក្សចិន បង្ហាញខ្លួនលើទីផ្សារភាគហ៊ុនអាមេរិកលើកដំបូង ក្នុងតម្លៃខ្លួន ៦៨ពាន់លានដុល្លារ

ក្រុមហ៊ុនតាក់ស៊ីយក្សចិនមួយមានឈ្មោះថា Digi Global បានបញ្ចប់ថ្ងៃដំបូងរបស់ខ្លួននៅផ្សារហ៊ុន New York Stock Exchange ដោយមានតម្លៃ ៦៨,៤៩ ពាន់លានដុល្លារ។

ពាណិជ្ជកម្ម

យោងតាមប្រភពព័ត៌មានបានឲ្យដឹងថា វាជាការចុះបញ្ជីធំជាងគេនៅអាមេរិកដោយក្រុមហ៊ុនចិន ចាប់តាំងពីការបង្ហាញខ្លួនរបស់ Alibaba កាលពីឆ្នាំ ២០១៤ មក។

គួរឲ្យដឹងថា ក្រុមហ៊ុនចិនដែលជាគូប្រជែងរបស់ Uber នេះ រៃអង្គាសប្រាក់បានចំនួន ៤,៤ ពាន់លានដុល្លារ នៅក្នុងការផ្តល់ជូនជាសាធារណៈលើកដំបូង Initial Public Offering ឬ IPO របស់ខ្លួន។

យោងតាមអ្នកផ្តល់ទិន្នន័យទីផ្សារហិរញ្ញវត្ថុ Refinitiv បានឲ្យដឹងថា ក្នុងរយៈពេល ៦ ខែដំបូងនៃឆ្នាំ ២០២១ នេះ ក្រុមហ៊ុនចិនចំនួន ២៩ បានប្រមូលប្រាក់សរុបចំនួន ៧,៦ ពាន់លានដុល្លារមកហើយនៅក្នុង IPO របស់ពួកគេ៕