យោងតាមប្រភពព័ត៌មានបានឲ្យដឹងថា កិច្ចព្រមព្រៀងពាណិជ្ជកម្មថ្មីរវាងចក្រភពអង់គ្លេស និងអូស្ត្រាលី ត្រូវបានព្រមព្រៀងគ្នារវាងនាយករដ្ឋមន្រ្តី Boris Johnson និងសមភាគីរបស់លោក គឺលោក Scott Morrison ។
ប្រភពខាងលើដដែលបានឲ្យដឹងថា កតិកាសញ្ញាថ្មីនេះមានន័យថា ផលិតផលអង់គ្លេសដូចជា រថយន្ត, ស្រាវីស្គី, នំ និងសេរ៉ាមិច សម្រាប់លក់ទៅឲ្យអូស្ត្រាលី នឹងមានតម្លៃថោកជាងធម្មតា។ ទោះយ៉ាងណាក៏ដោយ មានការព្រួយបារម្ភពីកសិករអង់គ្លេស អំពីកិច្ចព្រមព្រៀងខាងលើនេះ។
កិច្ចព្រមព្រៀងនេះ គឺជាកិច្ចព្រមព្រៀងពាណិជ្ជកម្មដំបូងបង្អស់ដែលត្រូវបានធ្វើឡើងពីដំបូង ចាប់តាំងពីចក្រភពអង់គ្លេសចាកចេញពីសហភាពអឺរ៉ុប។ វាត្រូវបានគេមើលឃើញថា ជាជំហានដ៏សំខាន់ឆ្ពោះទៅរកចក្រភពអង់គ្លេស ចូលរួមក្នុងកិច្ចព្រមព្រៀងពាណិជ្ជកម្មសេរីអាស៊ីប៉ាស៊ីហ្វិក។
លោក Johnson បាននិយាយនៅក្នុងសេចក្តីថ្លែងការណ៍មួយថា “ថ្ងៃនេះគឺជាថ្ងៃរះថ្មីមួយនៅក្នុងទំនាក់ទំនងរបស់ចក្រភពអង់គ្លេស ជាមួយអូស្ត្រាលី ដែលគាំទ្រដោយប្រវត្តិសាស្ត្ររួម និងតម្លៃរួមរបស់យើង”។
“កិច្ចព្រមព្រៀងពាណិជ្ជកម្មសេរីថ្មីរបស់យើងបើកឱកាសដ៏អស្ចារ្យសម្រាប់អាជីវកម្ម និងអ្នកប្រើប្រាស់អង់គ្លេស ក៏ដូចជាយុវជនដែលចង់មានឱកាសធ្វើការ និងរស់នៅលើផ្នែកម្ខាងទៀតនៃពិភពលោក”។ នេះបើតាមការបញ្ជាក់បន្ថែមពីលោក Johnson៕