ពលរដ្ឋហុងកុងអាចហោះត្រង់ទៅភូកេត ចាប់ពីខែកក្កដា ខណៈថៃកំពុងស្តារវិស័យទេសចរណ៍ឡើងវិញ

ការហោះហើរត្រង់រវាងទីក្រុងហុងកុង និងកោះភូកេត នឹងបន្តនៅថ្ងៃទី ២ ខែកក្កដា ស្របពេលដែលប្រទេសថៃ កំពុងព្យាយាមស្តារឧស្សាហកម្មទេសចរណ៍របស់ខ្លួនឡើងវិញ ចំពេលកំពុងមានការផ្ទុះឡើងនៃជំងឺកូវីដ១៩។

ពាណិជ្ជកម្ម

ទោះជាយ៉ាងណាក៏ដោយ អ្នកពាក់ព័ន្ធក្នុងឧស្សាហកម្មខាងលើបាននិយាយថា វិស័យទេសចរណ៍អាចត្រូវបានធ្វើឲ្យរស់ឡើងវិញ រវាងទិសដៅទាំងពីរ នឹងអាស្រ័យលើរដ្ឋាភិបាលដែលឈានដល់ការព្រមព្រៀងគ្នា អំពីការរៀបចំដោយគ្មានការធ្វើចក្តាឡីស័ក។

លោក Tommy Tam Kwong-shun ប្រធានសមាគមនៃភ្នាក់ងារដឹកអ្នកដំណើរហុងកុង IATA បានមានប្រសាសន៍ថា “វានឹងអាចធ្វើទៅបានប្រសិនបើមានការរៀបចំដោយគ្មានការធ្វើចក្តាឡីស័ក រវាងរដ្ឋាភិបាលទាំងពីរ គឺប្រហាក់ប្រហែលនឹង ការធ្វើដំណើរ air travel bubble រវាងសិង្ហបុរី និងហុងកុងដែរ”។

បើយោងតាមគេហទំព័ររបស់ក្រុមហ៊ុនអាកាសចរណ៍ថៃ Thai Airways បាននិយាយថា ក្រុមហ៊ុនគ្រោងនឹងស្តារជើងហោះហើរត្រង់របស់ខ្លួនឡើងវិញ និងគិតថ្លៃយ៉ាងតិច ៣ ១៩១ ដុល្លារហុងកុង សម្រាប់សំបុត្រទៅមក ដោយរាប់បញ្ចូលពន្ធ និងថ្លៃឈ្នួល ស្រដៀងនឹងអ្វីដែលវាបានគិតមុនពេលមានជំងឺកូវីដ១៩ ដែរ។

សូមបញ្ជាក់ថា ប្រទេសថៃគ្រោងនឹងបើកទ្វារដើម្បីទទួលភ្ញៀវទេសចរ ឬអ្នកធ្វើដំណើរអាជីវកម្មមកពីហុងកុង នៅខែក្រោយនេះតែម្តង៕