យោងតាមប្រភពព័ត៌មានបានឲ្យដឹងថា ប្រធានាធិបតីអាមេរិក លោក Joe Biden បានបញ្ចេញនូវថវិកាប្រចាំឆ្នាំដំបូងរបស់ខ្លួន ដែលជាគម្រោងចំណាយចំនួន ៦ ទ្រីលានដុល្លារ ដែលរួមបញ្ចូលទាំងការដំឡើងពន្ធខ្ពស់ សម្រាប់ជនជាតិអាមេរិកដែលមានទ្រព្យស្តុកស្តម្ភផងដែរ។
សំណើរនេះនឹងរួមបញ្ចូលទាំងកម្មវិធីសង្គម និងការវិនិយោគថ្មីៗ ក្នុងការប្រយុទ្ធប្រឆាំងនឹងការប្រែប្រួលអាកាសធាតុទៀតផង។ ប៉ុន្តែវាត្រូវការ ការយល់ព្រមពីសភា ខណៈដែលសមាជិកព្រឹទ្ធសភា នៃគណបក្សសាធារណរដ្ឋ លោកស្រី Lindsey Graham បាននិយាយថា “វាថ្លៃខ្លាំងណាស់”។
ពាណិជ្ជកម្ម
ផែនការថវិកាខាងលើគឺ៖
- ថវិកាជាង ៨០០ ពាន់លានដុល្លារ សម្រាប់ការប្រយុទ្ធប្រឆាំងនឹងការប្រែប្រួលអាកាសធាតុ រួមទាំងការវិនិយោគលើថាមពលស្អាត
- ២០០ ពាន់លានដុល្លារ ដើម្បីផ្តល់កន្លែងទំនេរមុនចូលសាលាឥតគិតថ្លៃ សម្រាប់ក្មេងអាយុ ៣ ឆ្នាំ និង ៤ ឆ្នាំ
- ១០៩ ពាន់លានដុល្លារ សម្រាប់មហាវិទ្យាល័យសហគមន៍ឥតគិតថ្លៃ រយៈពេល ២ ឆ្នាំ សម្រាប់ជនជាតិអាមេរិកទាំងអស់
- ២២៥ ពាន់លានដុល្លារ សម្រាប់កម្មវិធីប្រាក់ខែសម្រាប់គ្រួសារ (national paid family) និងឈប់សម្រាកព្យាបាលជំងឺ (medical leave)
- ១១៥ ពាន់លានដុល្លារ សម្រាប់ផ្លូវថ្នល់ និងស្ពាន
- ១៦០ ពាន់លានដុល្លារ សម្រាប់ការធ្វើដំណើរសាធារណៈ និងផ្លូវដែក
- ១០០ ពាន់លានដុល្លារ ដើម្បីធ្វើឲ្យប្រសើរឡើង នូវការប្រើប្រាស់អ៊ិនធឺណិត សម្រាប់គ្រួសារអាមេរិកគ្រប់ផ្ទះ