យោងតាមប្រភពព័ត៌មានបានឲ្យដឹងថា ក្រុមហ៊ុនប្រេង និងឧស្ម័នដ៏ធំរបស់ប្រទេសបារាំង Totalនឹងត្រូវផ្លាស់ប្តូរឈ្មោះទៅជា ក្រុមហ៊ុន TotalEnergies ខណៈដែលវាផ្លាស់ប្តូរការផ្តោតអារម្មណ៍របស់ខ្លួនមួយចំនួន ឆ្ពោះទៅរកប្រភពថាមពលកកើតឡើងវិញ។
ពាណិជ្ជកម្ម
ម្ចាស់ភាគហ៊ុនបានបោះឆ្នោតយ៉ាងច្រើនលើសលុប នៅក្នុងការគាំទ្រនៃការផ្លាស់ប្តូរនេះ និងបានអនុម័តគោលដៅបរិស្ថានរបស់ក្រុមហ៊ុន។
លោក Patrick Pouyannéនាយកប្រតិបត្តិក្រុមហ៊ុន Total បានមានប្រសាសន៍ថា “យើងចង់ក្លាយខ្លួនជាក្រុមហ៊ុនថាមពលបៃតង” ស្របពេលដែលក្រុមហ៊ុនថាមពលធំៗ កំពុងរងសម្ពាធកាន់តែខ្លាំងឡើង ដើម្បីសម្របខ្លួនទៅនឹងពិភពកាបូនទាប។
គួរឲ្យដឹងថា Total ដែលជាក្រុមហ៊ុនផលិតប្រេង និងឧស្ម័នឯកជនធំជាងគេលំដាប់ទី ៤ នៅលើពិភពលោក មានបំណងឈានទៅរកអព្យាក្រឹតភាពកាបូន (carbon neutrality) នៅឆ្នាំ ២០៥០ ដោយវិនិយោគលើគម្រោងថាមពលពន្លឺព្រះអាទិត្យ និងថាមពលខ្យល់ទៀតផង៕