Franchise នៃខ្សែភាពយន្តបែបភ័យរន្ធត់ Saw ឥឡូវនេះរកចំណូលបានជាង ១ ពាន់លានដុល្លារហើយ នៅក្នុងការលក់សំបុត្រទូទាំងពិភពលោក បន្ទាប់ពីការចាក់បញ្ជាំងខ្សែភាពយន្ត ភាគទី៩ របស់ខ្លួន គឺ Spiral។
ពាណិជ្ជកម្ម
គួរឲ្យដឹងថា វារកចំណូលបាន ៤,៥ លានដុល្លារនៅអាមេរិក និង ២,៦៧ លានដុល្លារនៅក្រៅប្រទេស កាលពីចុងសប្តាហ៍កន្លងទៅនេះ។
ខ្សែភាពយន្ត Saw ដំបូងបង្អស់បានចេញនៅក្នុងឆ្នាំ ២០០៤ ជាមួយនឹងការចេញផ្សាយប្រចាំឆ្នាំ ចំនួន ៧ រឿងតៗគ្នាទៀត
។ ខ្សែភាពយន្ត Saw នេះ បានដាក់ឈ្មោះថាជាខ្សែភាពយន្តភ័យរន្ធត់ ដែលទទួលបានជោគជ័យបំផុត នៅក្នុងប្រវត្តិសាស្ត្រខ្សែភាពយន្ត ដោយ Guinness World Records ក្នុងឆ្នាំ ២០១០។
គួររំលឹកឲ្យដឹងថា ខ្សែភាពយន្ត Saw ដំបូងបង្អស់រកចំណូលបាន ១០៣លានដុល្លារនៅទូទាំងពិភពលោក ខណៈការចំណាយផលិតសរុបត្រឹមតែ ១,២លានដុល្លារប៉ុណ្ណោះ៕