ក្រុមហ៊ុនអាកាសចរណ៍សិង្ហបុរី Singapore Airlines Ltd បានប្រកាសពីការខាតបង់ប្រចាំឆ្នាំ ជាលើកទី២ ជាប់ៗគ្នារបស់ខ្លួន ដែលបានកើនឡើងដល់ ៣,២ពាន់លានដុល្លារ ហើយបាននិយាយថា ខ្លួននឹងចេញមូលធនកម្មដែលអាចប្តូរបានចំនួន ៤,៦ពាន់លានដុល្លារមកវិញ។
យោងតាមក្រុមហ៊ុនទិន្នន័យទីផ្សារហិរញ្ញវត្ថុ Refinitiv បានឲ្យដឹងថា ការខាតបង់សម្រាប់រយៈពេល ១២ ខែ គិតត្រឹមថ្ងៃទី ៣១ ខែមីនា របស់ក្រុមហ៊ុន Singapore Airlines Ltd គឺអាក្រក់ជាងការព្យាករណ៍ទៅទៀត ដែលមានចំនួនត្រឹម ២,៤ពាន់លានដុល្លារ។
គួររំលឹកឲ្យដឹងដែរថា កាលពីឆ្នាំមុន ក្រុមហ៊ុនអាកាសចរណ៍សិង្ហបុរីខាងលើ បានខាតបង់លុយសរុបចំនួន ១៥៩លានដុល្លារ ដោយសារតែការប៉ះពាល់ដោយរោគរាតត្បាតកូវីដ១៩។
ដោយឡែក ប្រាក់ចំណូលប្រចាំឆ្នាំបានធ្លាក់ចុះ ៧៦,១ ភាគរយ ដល់ ២,៨ពាន់លានដុល្លារ នៅក្នុងឆ្នាំហិរញ្ញវត្ថុដែលបានបញ្ចប់នៅថ្ងៃទី ៣១ ខែមីនា ដោយចំណូលពីការដឹកទំនិញខ្លាំង មិនគ្រប់គ្រាន់ដើម្បីទូទាត់ចំនួនអ្នកធ្វើដំណើរដែលធ្លាក់ចុះជិត ៩៨ ភាគរយនោះទេ៕