បន្ទាប់ពីសម្លឹងឃើញនូវការរីកចម្រើនខ្លាំងនៅក្នុងវិស័យដឹកជញ្ជូនរបស់ខ្លួន ពេលនេះ ប្រទេសចិន បានបង្ហាញចេញនូវគម្រោងផែនការថ្មីរបស់ខ្លួនហើយ ដោយក្នុងនោះ ពួកគេនឹងធ្វើការសាងសង់នូវកប៉ាល់ដឹកទំនិញដើរដោយថាមពលនុយក្លេអ៊ែរដំបូងគេរបស់ពិភពលោកនៅក្នុងពេលឆាប់ៗខាងមុខនេះ។
ពាណិជ្ជកម្ម
ក្នុងនោះ បើនិយាយពីសមត្ថភាពរបស់កប៉ាល់ដឹកទំនិញដើរដោយថាមពលនុយក្លេអ៊ែរដំបូងគេរបស់ពិភពលោកនេះវិញ គឺត្រូវបានរំពឹងថា នឹងអាចដឹកកុងតឺន័របានចំនួនដល់ទៅ 25,000គ្រឿងឯណ្ណោះ ចំណែកអាយុកាលប្រើប្រាស់់វិញ ក៏មានរយៈពេលយូររហូតដល់ 40ឆ្នាំផងដែរ។
គួរបញ្ជាក់ថា ប្រសិនបើការសាងសង់របស់ក្រុមហ៊ុន Jiangnan Shipyard នេះ ត្រូវបានសម្រេចដោយជោគជ័យនោះ កប៉ាល់ដឹកទំនិញនេះនឹងក្លាយជាកប៉ាល់ដឹកជញ្ជូនពាណិជ្ជកម្មដំបូងគេរបស់ពិភពលោកដែលដំណើរការដោយថាមពលនុយក្លេអ៊ែរ។ លើសពីនេះ វាក៏នឹងក្លាយជាមធ្យោបាយថ្មីនៅក្នុងវិស័យដឹកជញ្ជូនរបស់ពិភពលោកផងដែរ៕