ក្នុងនោះ សម្រាប់ឆ្កែមនុស្សយន្តថ្មីរបស់ចិននេះ មិនត្រឹមតែជាឆ្កែមនុស្សយន្តធម្មតាប៉ុណ្ណោះនោះទេ ប៉ុន្តែវាក៏ជាឆ្កែមនុស្សយន្តដ៏ពិសេសដែលត្រូវបានបង្កើតឡើងដោយក្រុមហ៊ុនផលិតមនុស្សយន្ត Pudu Robotics ដើម្បីប្រមូលយកនូវព័ត៌មានផងដែរ ហើយវាគឺមានឈ្មោះ Pudu D5 ។
ពាណិជ្ជកម្ម
បើនិយាយពីការរចនា និងសមត្ថភាពរបស់ឆ្កែមនុស្សយន្តថ្មីរបស់ចិននេះវិញ គឺមានកម្ពស់ជិត ១ម៉ែត្រឯណ្ណោះ ហើយវាក៏ត្រូវបានផលិតឡើងដោយសារធាតុអាលុយមីញ៉ូម ដែលអាចទ្របន្ទុកបានដល់ 30គីឡូក្រាមផងដែរ។ លើសពីនេះ វាក៏ទទួលបាននូវអាវការពារទឹក IP67 ព្រមទាំងអាចប្រតិបត្តិការក្នុងសីតុណ្ហភាពចាប់ពី –20°C រហូតដល់ 55°C រួមជាមួយស្ថានភាពលំបាកៗជាច្រើនផងដែរ។
បន្ថែមពីនេះ វាក៏ទទួលបាននូវប្រព័ន្ធកាមេរ៉ា 360ដឺក្រេ, ប្រព័ន្ធ LiDAR, ឧបករណ៍ចាប់សញ្ញា, ប្រព័ន្ធ NVIDIA Orin និងប្រព័ន្ធកាមេរ៉ា AI ដ៏ទំនើបៗជាច្រើន ដែលអាចថត ប្រមូលព័ត៌មាន និងបញ្ជូនទិន្នន័យដោយស្វ័យប្រវត្តិផងដែរ។ ប៉ុន្តែអ្វីដែលពិសេសនោះ គឺឆ្កែមនុស្សយន្តនេះ គឺអាចគូស ស្កេន និងរុករកតំបន់ដែលមានផ្ទៃដីបានរហូតដល់ ១លានម៉ែត្រការ៉េឯណ្ណោះ ហើយវាក៏អាចដំណើរដោយមិនចាំបាច់ឈប់សម្រាក ឬសាកថ្មបានរហូតដល់ ១៤គីឡូម៉ែត្រផងដែរ៕