រថយន្តអគ្គិសនីចិនបញ្ចេញកាំរស្មីអេឡិចត្រូម៉ាញេទិចទាបជាងរថយន្តម៉ាស៊ីនសាំងយ៉ាងខ្លាំង

ការសិក្សាថ្មីមួយពីសមាគម ADAC របស់អាល្លឺម៉ង់ បញ្ជាក់ថា រថយន្តអគ្គិសនីបញ្ចេញកាំរស្មីអេឡិចត្រូម៉ាញេទិច (EMR) មានកម្រិតទាបខ្លាំង ហើយស្មើ ឬទាបជាងរថយន្តម៉ាស៊ីនហេះខាងក្នុង។ ការវាស់ស្ទង់លើរថយន្តអគ្គិសនីសុទ្ធ 11 គ្រឿងនិង Plug-in Hybrid ជាច្រើន និងរថយន្តម៉ាស៊ីនសាំងមួយគ្រឿង បានបង្ហាញថា កម្រិតកាំរស្មីខ្ពស់បង្ហាញខ្លួននៅតំបន់ជិតជើង ហើយនៅក្រោមកម្រិតសុវត្ថិភាពអន្តរជាតិឆ្ងាយ។ ខណៈដែលក្បាល និងខ្នងរបស់អ្នកដំណើរទទួលបានឥទ្ធិពលតិចបំផុត។ ការសាកថ្មជាមួយថាមពល AC និង DC ក៏មិនមានឥទ្ធិពលច្រើនលើកម្រិតកាំរស្មីផងដែរ ហើយការសាក DC ក៏បង្កើតកម្រិតកាំរស្មីទាបជាងការសាកជាមួយ AC ផងដែរ។
មជ្ឈមណ្ឌល CATARC បានអនុវត្តគម្រោងវាយតម្លៃសុវត្ថិភាពអគ្គិសនីជាង 300 គម្រោងក្នុងឆ្នាំ 2025 ក្រុមហ៊ុនផលិតរថយន្តចិនក៏បានបង្ហាញសមត្ថភាពខ្លាំងក្នុងវិស័យនេះ។ រថយន្តចំនួន 14 គ្រឿងបានឆ្លងកាត់វិញ្ញាបនបត្រ NESTA ដែលវាយតម្លៃសុវត្ថិភាព NESTA (New Energy Safety Technical Assessment) គឺជាការវាយតម្លៃទូលំទូលាយលើ៖ សុវត្ថិភាពការសាក, សុវត្ថិភាពអេឡិចត្រូម៉ាញេទិច, សុវត្ថិភាពមុខងារ, សុវត្ថិភាពតង់ស្យុងខ្ពស់, សុវត្ថិភាពថ្ម និងសុវត្ថិភាពអគ្គីភ័យ។
មូឌែលដែលទទួលវិញ្ញាបនបត្រលើកទី 2 រួមមាន Aito M7, Jetour Zongheng G700, Onvo L90, Li Auto i8, M-Hero M817, Fulwin A9L និង Xiaomi YU7។ ការទទួលស្គាល់ពីលើកមុនរួមមាន Galaxy E8, Exeed Exlantix ES/ET, JAC Refine RF8, Jiyue 07, Aito M9, GAC Hypertec HT, Geely Galaxy Starship 7 EM-i, iCar V23, Aito M8, BYD Han L, Leapmotor B10 និង Lynk & Co 900។
លទ្ធផល NESTA ឆ្នាំ 2025 ក៏កំណត់អ្នកឈានមុខក្នុងនីមួយៗ៖• សុវត្ថិភាពសាក៖ BYD Han L, Lynk & Co 900, Hyundai Elexio, សុវត្ថិភាពអេឡិចត្រូម៉ាញេទិច៖ Mercedes-Benz CLA, Li Auto i8, Zeekr 9X, Geely Galaxy M9, សុវត្ថិភាពមុខងារ៖ Onvo L90, Xiaomi YU7, Galaxy Starship 7 EM-i, Exeed Exlantix ET, សុវត្ថិភាពតង់ស្យុងខ្ពស់៖ Leapmotor B10, Fulwin A9L, Wuling Xingguang 730, សុវត្ថិភាពថ្ម៖ Jetour Zongheng G700, Aito M7, M-Hero 817, Toyota bZ3X, សុវត្ថិភាពអគ្គីភ័យ៖ Saic H5, Aito M8, Onvo L60, iCar V23។
ការតេស្តពិតបញ្ជាក់ថា EV ចិនបញ្ចេញកាំរស្មីទាបឆ្ងាយជាងកម្រិតសុវត្ថិភាព។ កម្រិតកាំរស្មីក្នុងកាប៊ីនស្ថិតក្នុងចន្លោះ 0.8–1.0 μT នៅជួរមុខ និង 0.3–0.5 μT នៅជួរខាងក្រោយ ដែលស្មើតែ 1%–1.3% នៃស្តង់ដារជាតិរបស់ចិន (100 μT) ប៉ុណ្ណោះ។ តំបន់ដែលមានកាំរស្មីខ្ពស់ស្ថិតនៅជិតម៉ូទ័រអគ្គិសនី និងខ្សែភ្លើង ជាពិសេសតំបន់ជើង ខណៈក្បាល និងខ្នងមិនទទួលឥទ្ធិពល។ ការសាក AC/DC មិនបង្កើនកម្រិតកាំរស្មីឡើយ ហើយសាក DC នៅខ្លះអាចមានកាំរស្មីទាបជាងការសាក AC។
បើប្រៀបធៀបឧបករណ៍គ្រួសារធម្មតា ដូចជា ភួយកម្តៅ អាចបញ្ចេញ 10–50 μT ដែលខ្ពស់ជាងរថយន្ត EV ចិនច្រើន។ សរុបមក រថយន្តអគ្គិសនីចិនបញ្ចេញកាំរស្មីអេឡិចត្រូម៉ាញេទិចទាបខ្លាំង និងនៅក្រោមស្តង់ដារអន្តរជាតិឆ្ងាយ។ NESTA ក៏វាយតម្លៃឱ្យបានលម្អិតលើ 6  សុវត្ថិភាពដើម្បីធានាថារថយន្តមានគុណភាព និងមានសុវត្ថិភាពខ្ពស់។

ពាណិជ្ជកម្ម