បន្ទាប់ពីមានការទន្ទឹងរង់ចាំអស់ជាយូរ ពេលនេះ ក្រុមហ៊ុន Qualcomm បានធ្វើការប្រកាសបង្ហាញចេញជាផ្លូវការនូវបន្ទះឈីប Snapdragon 8 Gen 5 របស់ខ្លួនហើយ ដោយក្នុងនោះ វាគឺត្រូវបានបង្កើតឡើងជាពិសេសសម្រាប់ប្រើប្រាស់នូវលើស្មាតហ្វូនស៊េរីថ្មីនៅក្នុងឆ្នាំ២០២៥ និង ២០២៦ ខាងមុខនេះ។
បើនិយាយពីសមត្ថភាពរបស់បន្ទះឈីបនេះ គឺមានភាពប្រសើរឡើងដល់ទៅ 36% ឯណ្ណោះ ក្នុងផ្នែក CPU ។ ចំណែកផ្នែក GPU, AI និងការសន្សំសំចៃថាមពលវិញ ក៏មានភាពប្រសើរឡើងចំនួន 11%, 46% និង 13% ផងដែរ។ ក្នុងនោះ បន្ទះឈីបនេះ គឺប្រើប្រាស់នូវបច្ចេកវិទ្យា 3nm, Adreno 840 GPU, Oryon CPU (2 x Oryon Prime CPU @ 3.8GHz និង 6 x Oryon Performance CPU @ 3.32GHz) និង Hexagon NPU ។
គួរបញ្ជាក់ថា សម្រាប់ក្រុមហ៊ុនផលិតស្មាតហ្វូនដំបូងគេដែលនឹងទទួលបានសិទ្ធិប្រើប្រាស់នូវបន្ទះឈីបនេះនៅលើស្មាតហ្វូនរបស់ខ្លួនមុនគេនោះ គឺក្រុមហ៊ុន OnePlus ។ ក្នុងនោះ វានឹងប្រើប្រាស់នៅលើស្មាតហ្វូន OnePlus 15R ៕