ក្រុមហ៊ុន BYD បានប្រារព្ធពិធីប្រកាសចេញម៉ូដែល Atto 2 DM-i នៅទីក្រុង Barcelona ថ្ងៃទី 19 វិច្ឆិកា បង្ហាញរថយន្ត Plug-in Hybrid ដំបូងបង្អស់សម្រាប់ Atto 2 និង Atto 2 Comfort EV មានកម្លាំខ្លាំងងចម្ងាយឆ្ងាយ។ BYD បានបញ្ជាក់ថា ប្រព័ន្ធ DM-i អាចបើកដំណើរអគ្គិសនីសុទ្ធបានច្រើនដល់ 90 គីឡូម៉ែត្រ (WLTP) និងអាចបើកដំណើររួមជាមួយម៉ាស៊ីនសាំងប្រមាណ 1,020 គីឡូម៉ែត្រ ប្រសិនបើប្រើទាំងសាំង និងថ្ម។ នៅអេស្ប៉ាញ កំណែ Active មានតម្លៃ €32,990 (≈ $35,900) ខណៈដែល Boost តម្លៃ €35,990 (≈ $39,200) ។
ការរចនាកំណែ Plug-in Hybrid ប្លែកពី EV ដោយមានខ្សែប៉ាណាខាងមុខធំជាងសម្រាប់ខ្យល់ចូលទៅត្រជាក់ម៉ាស៊ីន និងផ្លាស់ប្តូរនិមិត្តសញ្ញា។ វាមានពណ៌ពិសេស “Midnight Blue” និងមានប្រវែងប្រហែល 4.3 ម៉ែត្រ និងកង់អាលុយមីញ៉ូម 17 អ៊ីញ។ ភ្លើង LED និងបន្ទាត់ភ្លើងខាងក្រោយពេញគូទរថយន្ត បន្ថែមលក្ខណៈអេរ៉ូឌីណាមិចឲ្យរថយន្ត។
ផ្នែកខាងក្នុង Atto 2 DM-i មានអេក្រង់ 12.8 អ៊ីញ កៅអីស្បែក vegan ភ្លើង ABL ដំបូល Panoramic Sunroof និងកន្លែងដាក់អីវ៉ាន់បន្ថែម រួមមានកន្លែងដាក់វ៉ែនតា និង Wireless Charging។ ទំហំឃ្លុបខាងក្រោយ 425 លីត្រ អាចពង្រីកដល់ 1,335 លីត្រ ប្រសិនបើបត់កៅអីខាងក្រោយ។ មានមុខងារ Vehicle-to-Load (V2L) ផ្គត់ផ្គង់អគ្គិសនី 3.3 kW ទៅឧបករណ៍ខាងក្រៅ។
កម្លាំងម៉ាស៊ីន និងជួរចម្ងាយបើកបររបស់ Atto 2 DM-i មាន 2 ជម្រើស៖ ជម្រើស Active កម្លាំង 122 kW (164 hp), ថ្មទំហំ 7.8 kWh, សាកមួយពេញប្រើបាន 40 km និងចម្ងាយសរុប 930 km។
ជម្រើស Boost មានកម្លាំង 156 kW (209 hp), ថ្មទំហំ 18 kWh, សាកមួយពេញប្រើបាន 90 km, និងចម្ងាយសរុប 1,020 km កំណែ Boost មានល្បឿនអតិបរមា 180 km/h និង 0–100 km/h ត្រឹម 7.5 វិនាទី។ ការប្រើប្រាស់ប្រេង WLTP សរុបទាបដល់ 1.8 លីត្រ/100 km បង្ហាញពីប្រសិទ្ធភាពខ្ពស់របស់រថយន្តក្នុងទីផ្សារអឺរ៉ុប។
សម្រាប់ស្ថានភាពទីផ្សារនៅអឺរ៉ុប BYD មានរថយន្តជាច្រើននៅអឺរ៉ុបរួចហើយ ដូចជា Seal, Han, Tang និង Atto 3 ការបន្ថែម Atto 2 DM-i និង Atto 2 Comfort ធ្វើឲ្យ BYD មានជួរថ្មីទូលំទូលាយជាងមុនក្នុងចំណោម Sedan, SUV និង Crossover ជាមួយ EV និង Hybrid។ BYD មានវត្តមាននៅ 33 ប្រទេសអឺរ៉ុប ហើយមានផែនការបើកកន្លែងលក់រហូតដល់ 1,000 កន្លែងចុងឆ្នាំ 2025។ Atto 2 DM-i ក្លាយជារថយន្ត PHEV កម្រណាស់របស់ BYD ដែលចេញលក់នៅអឺរ៉ុបមុនចិន។
