បន្ទាប់ពីប្រកាសដាក់ឲប្រើប្រាស់អស់រយៈពេលជាច្រើនខែ ពេលនេះ ក្រុមហ៊ុន Figure AI របស់សហរដ្ឋអាមេរិក បានប្រកាសបញ្ឈប់នូវការប្រើប្រាស់មនុស្សយន្ត Figure 02 (F.02) របស់ខ្លួនជាផ្លូវការហើយ។ ការសម្រេចចិត្តនេះ ត្រូវបានធ្វើឡើងក្រោយការដាក់ឲប្រើប្រាស់អស់រយៈពេល 11ខែ នៅរោងចក្រ BMW Manufacturing នៅទីក្រុង Spartanburg រដ្ឋ South Carolina ។
ក្នុងនោះ ក្នុងរយៈពេល 11ខែកន្លងមកនេះ មនុស្សយន្ត Figure 02 នេះ គឺត្រូវបានប្រើប្រាស់សម្រាប់ការផលិតរថយន្ត BMW X3 បានជាង 30,000 គ្រឿងឯណ្ណោះ ហើយវាក៏បានធ្វើការបានជាង 1,250ម៉ោងផងដែរ។ ខណៈរូបរាងរបស់វាវិញ គឺមានសភាពទ្រុតទ្រោម ឆ្កូត និងកខ្វក់យ៉ាងខ្លាំង។
គួរបញ្ជាក់ថា ក្រោយពីការសម្រចចិត្តនេះ ក្រុមហ៊ុន Figure AI ផ្ទាល់ ក៏ត្រៀមនឹងបញ្ចេញនូវមនុស្សយន្តជំនាន់ថ្មី Figure 03 ដើម្បីធ្វើការសាកល្បងជំនួសមនុស្សយន្ត Figure 02 នាពេលឆាប់ៗខាងមុខនេះផងដែរ៕