ក្នុងនោះ បន្ទាប់ពីបំបែកកំណត់ត្រាជាដ្រូនដែលអាចហោះបានលឿនជាងគេនៅក្នុងលោក ពេលនេះ ដ្រូនកែឆ្នៃ Peregreen 3 ដែលត្រូវបានអភិវឌ្ឈន៍ និងបង្កើតឡើងដោយឪពុកកូនជនជាតិអង់គ្លេសពីរនាក់ គឺលោក Mike Bell និង Luke Maximo Bell គឺត្រូវបានទទួលស្គាល់ជាផ្លូវការពីសំណាក់ស្ថាប័នវាយតម្លៃពិភពលោក Guinness World Records ហើយ។
បើនិយាយពីសមត្ថភាព និងការរចនារបស់ដ្រូននេះវិញ គឺត្រូវបានផលិតឡើងដោយប្រើតែម៉ាស៊ីនព្រីន 3D និងមានទំងន់សរុបខ្ទង់ 2.77 គីឡូក្រាមប៉ុណ្ណោះ ប៉ុន្តែបើទោះបីជាមានទំហំតូចក៏ដោយ វាក៏ត្រូវបានបំពាក់ដោយម៉ូទ័រអគ្គិសនី 16.2 kW ព្រមទាំងថ្ម 16 kW ផងដែរ ពោលគឺអាចហោះដល់ល្បឿនលឿនដល់ទៅ 585គីឡូម៉ែត្រក្នុងមួយម៉ោងឯណ្ណោះ ពោលគឺបានក្លាយជាដ្រូនដែលអាចហោះបានលឿនជាងគេនៅក្នុងលោក។
ពាណិជ្ជកម្ម
គួរបញ្ជាក់ថា ចំពោះការទទួលស្គាល់ជាផ្លូវការពីស្ថាប័នវាយតម្លៃពិភពលោក Guinness World Record លើដ្រូន Peregreen 3 នេះ គឺត្រូវបានបញ្ជាក់នៅថ្ងៃទី 18 ខែវិច្ឆិកា បន្ទាប់ពីលោក Luke បានធ្វើការបង្ហោះវីដេអូរបស់លោកនៅថ្ងៃទី 22 ខែមិថុនា៕
