ក្រោយពីបានប្រកាសបង្ហាញចេញនូវមុខងារថ្មីៗជាច្រើន ពេលនេះ ក្រុមហ៊ុន Huawei បានប្រកាសបង្ហាញចេញនូវប្រព័ន្ធប្រតិបត្តិការ HarmonyOS 6 public beta របស់ខ្លួនជាផ្លូវការហើយ ដោយក្នុងនោះ ប្រតិបត្តិការនេះ គឺទទួលបាននូវការកែលម្អជាច្រើន ជាពិសេសគឺផ្នែក AI តែម្តង។
បើនិយាយពីលក្ខណៈពិសេសរបស់ប្រតិបត្តិការ HarmonyOS 6 នេះវិញ មិនត្រឹមតែមានការកែលម្អជាច្រើនចាប់ពីផ្នែក animations ដល់ផ្នែក lockscreen customization ប៉ុណ្ណោះនោះទេ ប៉ុន្តែផ្នែក UI វិញ ក៏ត្រូវបានកែលម្អជាច្រើនផងដែរ ជាពិសេសគឺផ្នែក AI តែម្តង។ ក្នុងនោះ ក្រុមហ៊ុន Huawei បានបន្ថែមមុខងារ AI ថ្មីហៅថា XiaoYi ។
ជាមួយគ្នានេះ សម្រាប់អ្នកប្រើប្រាស់នៅប្រទេសចិន ដែលកំពុងប្រើប្រាស់ស្មាតហ្វូន Huawei Mate 70, Mate 60, Mate X6, Mate X5 series, Huawei Pura 80, Pura 70, Pura X series, Huawei Pocket 2 series, Nova 14/13/12, និង Nova Flip series រួមទាំងថេប្លេត MatePad Pro 13.2 (2025 និង 2023), MatePad Pro 12.2 (2024) និង MatePad 11 Pro (2024) ក៏អាចធ្វើការអាប់ដេត ឬតម្លើងទៅប្រព័ន្ធប្រតិបត្តិការថ្មី HarmonyOS 6 នេះបានផងដែរ៕