បន្ទាប់ពីចំណាយពេលអស់ជាច្រើនឆ្នាំក្នុងការអភិវឌ្ឈ ពេលនេះ ក្រុមហ៊ុន OpenAI បានប្រកាសបង្ហាញចេញនូវ AI web browser របស់ខ្លួនហើយ ដោយក្នុងនោះ គឺមានឈ្មោះថា ChatGPT Atlas ។
ក្នុងនោះ សម្រាប់ងប្អូនដែលប្រើប្រាស់ macOS ពេលនេះ គឺអាចទាញយកទៅប្រើប្រាស់បានហើយ ចំណែកបងប្អូនដែលប្រើប្រាស់ Windows, iOS និង Android វិញ នឹងប្រកាសចេញតាមក្រោយនៅក្នុងពេលឆាប់ៗខាងមុខនេះ។
បើនិយាយពីសមត្ថភាពរបស់ AI web browser ថ្មីនេះវិញ គឺមិនខុសពី Google Chrome ដែលយើងកំពុងប្រើនាពេលបច្ចុប្បន្ននេះនោះឡើយ ប៉ុន្តែវាគឺមានភាពឆ្លាតវៃជាង។ ជាក់ស្តែង ប្រសិនបើបងប្អូនចង់ដឹងព័ត៌មានអំពីនរណាម្នាក់ ឬផលិតផលអ្វីមួយ បងប្អូនគ្រាន់សរសេរ keywords ឬឈ្មោះ ហើយចុចមួយគ្លីកប៉ុណ្ណោះ នោះ web browser នេះ នឹងឲ ChatGPT ស្វែងរកព័ត៌មានជូនបងប្អូនតែម្តង ពោលគឺមិនចាំបាច់ត្រូវស្វែងរកម្តងមួយៗនោះឡើយ ហើយវាក៏មិនខុសគ្នាពីការប្រើប្រាស់ ChatGPT ផងដែរ៕