បើនិយាយពីស្មាតហ្វូនស៊េរីថ្មី iQOO 15 នេះ មិនត្រឹមតែមាន Specs កាន់តែកប់ប៉ុណ្ណោះនោះទេ ប៉ុន្តែវាក៏ទទួលបាននូវការអាប់ឌែតថ្មីៗជាច្រើនផងដែរ ជាពិសេសគឺទៅលើផ្នែកថាមពលថ្ម និងឈីបតែម្តង។
ក្នុងនោះ បើប្រៀបធៀបនឹង iQOO 13, iQOO 15 នេះ គឺទទួលបាន Specs កប់តែម្តង ពោលគឺទទួលបាននូវអេក្រង់ 6000nits 2K+ 8T LTPO ទំហំ ៦,៨៥អ៊ីញ ដែលមាន Refresh Rate រហូតដល់ទៅ 144Hz ឯណ្ណោះ ចំណែកឈីប និងថ្មវិញ ក៏ទទួលបាននូវស្តេចឈីប Snapdragon 8 Elite Gen 5 ព្រមទាំងបន្ទះឈីបហ្គេម Q3 ដែលអាចលេងហ្គេមបានដល់ 2K+144 FPS និងថាមពលថ្ម 7000mAh ដែលគាំទ្រការសាកតាមខ្សែកម្លាំង 1០0W និង 40W ឥតខ្សែផងដែរ។
ក្រៅពីនេះ សម្រាប់ផ្នែកខាងកាមេរ៉ាក្រោយវិញ iQOO 15 ក៏ទទួលបាននូវលេន 50MP ចំនួន ៣ ព្រមទាំងកាមេរ៉ាមុខ 32MP, ប្រព័ន្ធប្រតិបត្តិការ OriginOS 6.0 បូករួមជាមួយប្រព័ន្ធប្រតិបត្តិការ Android 16 ក៏ដូចជាអាវការពារកម្រិត IP68/IP69 និងម៉ាសុីនស្កេន Ultrasonic ចេញពីប្រអប់ផងដែរ។ ខណៈតម្លៃវិញ គឺមានតម្លៃចាប់ពី $589 ប៉ុណ្ណោះ នៅក្នុងទីផ្សារប្រទេសចិន៕