បើនិយាយពីការពង្រីកសង្វាក់ផលិតកម្មរបស់ក្រុមហ៊ុន Apple នៅក្នុងប្រទេសវៀតណាមនេះ មិនត្រឹមតែជាការបង្កើន និងកាត់បន្ថយការពឹងផ្អែករបស់ខ្លួនលើប្រទេសចិនប៉ុណ្ណោះនោះទេ ប៉ុន្តែវាក៏យុទ្ធសាស្ត្រថ្មីមួយដើម្បីកាត់បន្ថយអត្រាពន្ធគយរបស់សហរដ្ឋអាមេរិកផងដែរ។
ក្នុងនោះ ក្រៅពីជាយុទ្ធសាស្ត្រថ្មី ក្រុមហ៊ុន Apple ផ្ទាល់ក៏នឹងត្រៀមផលិតនូវផលិតផលថ្មីៗជាច្រើនរបស់ខ្លួនដូចជា Home Hub Display, កាមេរ៉ាសុវត្ថិភាពក្នុងផ្ទះ និងមនុស្សយន្ត Tabletop Robot ផងដែរ។
ជាមួយគ្នានេះ ក្រុមហ៊ុន Apple ក៏នឹងពង្រីកនូវការផលិត iPad របស់ខ្លួននៅក្នុងប្រទេសវៀតណាមផងដែរ។ គួរបញ្ជាក់ថា សម្រាប់ការផលិតនេះទៀតសោត ក៏នឹងធ្វើឡើងជាមួយក្រុមហ៊ុន BYD ដែលជាក្រុមហ៊ុនរបស់ចិន ដើម្បីទទួលខុសត្រូវចំពោះការផ្គុំ ធ្វើតេស្ត និងការវេចខ្ចប់ផងដែរ ខណៈការប្រកាសចេញនូវផលិតផលទាំងនេះវិញ គឺអាចចនឹងធ្វើឡើងនៅក្នុងឆ្នាំ២០២៦ និងឆ្នាំ២០២៧ ខាងមុខនេះហើយ៕