ក្នុងនោះ បើនិយាយពីស្មាតហ្វូនស៊េរីថ្មី OPPO Find X9 Pro នេះ មិនត្រឹមតែមានការរចនាថ្មីប៉ុណ្ណោះនោះទេ ប៉ុន្តែវាក៏កាន់តែទទួលបាននូវ Specs កាន់តែកប់ផងដែរ ខណៈការរចនាកាមេរ៉ានៅផ្នែកខាងក្រោយវិញ គឺលែងមានការរចនាជារាងរង្វង់ទៀតហើយ ពោលគឺបានភ្ជាប់មកជាមួយការរចនាថ្មីជារាងការ៉េវិញ។
បើប្រៀបធៀបនឹង OPPO Find X8 Pro, OPPO Find X9 Pro នេះ គឺទទួលបាន Specs កប់តែម្តង ពោលគឺទទួលបាននូវអេក្រង់ 1.5K LTPO micro-curved AMOLED ទំហំ ៦,៧៨អ៊ីញ 3600 nits ដែលមាន Refresh Rate រហូតដល់ទៅ 120Hz ឯណ្ណោះ ចំណែកឈីប និងថ្មវិញ ក៏ទទួលបាននូវស្តេចឈីប Dimensity 9500 និងថាមពលថ្ម 7500mAh ដែលគាំទ្រការសាកតាមខ្សែកម្លាំង 80W និង 40W ឥតខ្សែផងដែរ។
ក្រៅពីនេះ សម្រាប់ផ្នែកខាងកាមេរ៉ាក្រោយវិញ OPPO Find X9 Pro នេះ ក៏ទទួលបាននូវលេនគោល 50MP, លេន ultra-wide 50MP ព្រមទាំងលេន periscope telephoto ដែលប្រើប្រាស់នូវសេនស័រ 200MP Samsung HP5 រួមជាមួយកាមេរ៉ាមុខ 50MP, ប្រព័ន្ធប្រតិបត្តិការ ColorOS 16 បូក Android 16 ក៏ដូចជាអាវការពារកម្រិត IP66 + IP68 + IP69 និងម៉ាសុីនស្កេន Ultrasonic ចេញពីប្រអប់ផងដែរ។ ខណៈតម្លៃវិញ គឺមានតម្លៃចាប់ពី $745 ប៉ុណ្ណោះ នៅក្នុងទីផ្សារប្រទេសចិន៕