បន្ទាប់ពីមានភាពតានតឹងផ្នែកពាណិជ្ជកម្មម្តងហើយម្តងទៀតរវាងសហរដ្ឋអាមេរិក និងប្រទេសចិន ដែលបានបង្កឲក្រុមហ៊ុនធំៗជាច្រើនមានការលំបាកក្នុងការវិនិយោគថ្មីៗ និងខាតបង់នូវប្រាក់ចំណូលជាច្រើន ក្រុមហ៊ុន Apple ដែលជាក្រុមហ៊ុនបច្ចេកវិទ្យាយក្សរបស់សហរដ្ឋអាមេរិក ក៏បានប្រកាសបន្ត និងបង្កើននូវការវិនិយោគរបស់ខ្លួននៅក្នុងប្រទេសចិនដដែលផងដែរ ពោលគឺមិនមានការបោះបង់ ឬចាកចេញទៅវិនិយោគនៅប្រទេសផ្សេងនោះឡើយ។
- ក្នុងនោះ ការប្រកាសនេះ គឺត្រូវបានធ្វើឡើងដោយលោក Tim Cook ដែលជានាយកប្រតិបត្តិរបស់ក្រុមហ៊ុន Apple អំឡុងពេលធ្វើដំណើរទស្សនកិច្ចនៅក្នុងប្រទេសចិន និងជំនួបជួបពិភាក្សាការងារជាមួយមន្ត្រីជាន់ខ្ពស់របស់រដ្ឋាភិបាលចិន។
គួរបញ្ជាក់ថា បើទោះបីជានៅក្នុងការប្រកាសនេះមិនបានបញ្ជាក់អំពីទំហំនៃការវិនិយោគថ្មីនេះក៏ដោយ ក៏ប៉ុន្តែការវិនិយោគថ្មីនេះ ក៏បានបង្ហាញពីការការប្តេជ្ញាថ្មីរបស់ក្រុមហ៊ុន Apple ចំពោះប្រទេសចិនផងដែរ៕
ពាណិជ្ជកម្ម
