បន្ទាប់ពីបានចំណាយពេលអភិវឌ្ឍន៍អស់រយៈពេលជាច្រើនខែ ពេលនេះ ក្រុមហ៊ុន vivo បានធ្វើការប្រកាសបង្ហាញចេញនូវប្រព័ន្ធប្រតិបត្តិការថ្មីរបស់ខ្លួនគឺ OriginOS 6 ជាផ្លូវការហើយ ដោយក្នុងនោះ ប្រព័ន្ធ OriginOS 6 នេះ គឺត្រូវបានរចនាឡើងវិញទាំងស្រុងតែម្តង។ ក្រៅពីនេះ ក្រុមហ៊ុន vivo ផ្ទាល់ក៏បានបង្ហាញចេញនូវវប្រព័ន្ធប្រតិបត្តិការ BlueOS 3.0 និង CarLink 3.0 ផងដែរ។
បើនិយាយពីប្រព័ន្ធ OriginOS 6 នេះ មិនត្រឹមតែត្រូវបានរចនាឡើងវិញទាំងស្រុងប៉ុណ្ណោះនោះទេ ប៉ុន្តែវាក៏ទទួលបាននូវការរចនាថ្មីបែប 3D និងថ្លា ដែលធ្វើឱ្យផ្ទៃអេក្រង់កាន់តែមាននូវភាពទាក់ទាញជាងមុនផងដែរ។ ខណៈផ្នែកផ្សេងៗដូចជាប្រព័ន្ធសុវត្ថិភាព វិញ ក៏កាន់តែមានភាពប្រសើរផងដែរ។
ជាមួយគ្នានេះ សម្រាប់ស្មាតហ្វូនដំបូងគេដែលនឹងដំណើរការជាមួយប្រព័ន្ធថ្មីនេះ ក៏រួមមាន vivo X Fold5, vivo X200 series, iQOO 13 និង iQOO Neo10 ផងដែរ ខណៈការបើកឲប្រើប្រាស់ជាសាធារណៈ (public beta) វិញ នឹងចាប់ផ្តើមនៅក្នុងខែវិច្ឆិកាខាងមុខនេះ៕