បន្ទាប់ពីមានការប្រកាសចេញនូវ iPhone 17 Pro Max និង Xiaomi 17 Pro Max របស់ក្រុមហ៊ុន Apple និងក្រុមហ៊ុន Xiaomi ដែលមានធ្វើឲមានការចាប់អារម្មណ៍ជាខ្លាំង ពេលនេះ ក្រុមហ៊ុន Oppo ក៏ត្រូវបានគេរាយការណ៍ថា នឹងប្រកាសចេញនូវស្មាតហ្វូនស៊េរីថ្មីរបស់ខ្លួន គឺ Oppo Reno15 Pro Max ផងដែរ។
ពាណិជ្ជកម្ម
ក្នុងនោះ សម្រាប់ Oppo Reno15 Pro Max នេះ មិនត្រឹមតែមានឈ្មោះ Pro Max ប៉ុណ្ណោះនោះទេ ប៉ុន្តែបើនិយាយពី Specs វិញ ក៏មានលក្ខណៈពិសេសមិនធម្មតាផងដែរ ពោលគឺអាចនឹងទទួលបាននូវលេនគោលដល់ទៅ 200MP ឯណ្ណោះ។
ជាមួយគ្នានេះ វាក៏អាចនឹងទទួលបាននូវអេក្រង់ 1.5K ដែលមានទំហំ ៦,៧៨អ៊ីញ, ឈីប MediaTek Dimensity 9400, លេន telephoto 50MP, លេន ultrawide 50MP, កាមេរ៉ាមុខ 50MP, ថាមពលថ្ម 6,500mAh និងប្រព័ន្ធប្រតិបត្តិការ Android 16 រួមជាមួយ ColorOS 16 ចេញពីប្រអប់ផងដែរ។ ខណៈការប្រកាសចេញវិញ នឹងធ្វើឡើងនៅចុងឆ្នាំ២០២៥ នេះ៕