Tesla Model Y Standard 2026 ជាជម្រើសថោកជាងមុនបានដកអ្វីចេញខ្លះម៉ោះបងប្អូនមកដឹងទាំងអស់គ្នា។ ដូចដែលបងប្អូនបានដឹងហើយថា Tesla បានបង្ហាញម៉ូដែលថ្មី Model Y Standard 2026 ជាជម្រើសថោកជាងមុន ដោយកាត់ចេញគ្រឿង និងមុខងារខ្លះៗ ដើម្បីទាក់ទាញអ្នកទិញចង់បានរថយន្តអគ្គិសនីតម្លៃសមរម្យ។
ចំណុចទី១ តម្លៃ និងសមត្ថភាព៖ តម្លៃចាប់ពី $41,630 (ថោកជាង Model Y Premium RWD ប្រហែល $5,000) ថ្មមានទំហំ 69.5 kWh សាកពេញជិះបាន 517 km (កង់ 18″) និង 488 km (កង់ 19″) បើប្រៀបធៀបនឹង Model Y Premium RWD ដែលអាចជិះបាន 574 km, នេះគឺតិចជាងបន្តិច សម្រាន់កម្លាំងអាផលិតបាន 300 សេះ និងមានល្បឿន 0–100km ក្នុង 6.8 វិនាទី ខណៈ Premium អាចធ្វើបាន 5.4 វិនាទី ហើយល្បឿនសាកថ្មលើ Supercharger ក៏ថយចុះផងដែរ ពី 250 kW ចុះទៅ 225 kW។
ចំណុចទី២ ការផ្លាស់ប្តូរខាងក្រៅបានដកខ្សែភ្លើង LED តភ្ជាប់ពេញខាងមុខ-និងខាងក្រោយចេញ ហើយអំពូលមុខថ្មីបញ្ចូលមុខងារទាំងអស់ក្នុងតួតែមួយដូចជា ភ្លើងពេលថ្ងៃ, ភ្លើងសញ្ញាបត់, ភ្លើងទាប និងភ្លើងខ្ពស់វាក៏មានកង់ 18 អ៊ីញ (ស្តង់ដារ) ឬ 19 អ៊ីញ (ជម្រើស) ហើយមានតែ ពណ៌ប្រផេះ ខ្មៅ និងស (ពណ៌ខៀវ ឬក្រហមត្រូវបានលុបចេញ)។
ចំណុចទី៣ ការផ្លាស់ប្តូរខាងក្នុងគឺកៅអីប្រើក្រណាត់លាយស្បែកសិប្បនិម្មិត, ទ្រនិចបញ្ជាកៅអីផ្លាស់ប្ដូរទៅក្នុង Touchscreen, ដកប្រព័ន្ធកំដៅ/ត្រជាក់កៅអី, ដកអេក្រង់ 8″ សម្រាប់អ្នកដំណើរក្រោយចេញ, ដកភ្លើងតុបតែង (ABL) និងតម្រង HEPA, ដកប្រព័ន្ធសម្លេងពី 15 គ្រាប់ → 7 គ្រាប់ (គ្មាន subwoofer), ដំបូលកញ្ចក់ Panoramic ត្រូវបាន ដកបិតដោយក្រណាត់ Headliner មិនអាចបើកបានទេ,នៅកណ្ដាលឡានរចនាថ្មីស្ទីល Cybertruck, មានកន្លែងដាក់ទូរស័ព្ទ និងស្តុកធំ ហើយចង្កូតថ្មីមាន ចង្កោះសញ្ញូ បត់វិញហើយ។
ចំណុចទី៤ គឺបច្ចេកវិទ្យា Model Y Standard 2026 អេក្រង់កណ្តាល 15.4 អ៊ីញ នៅដូចដើមតែគ្មាន Apple CarPlay / Android Auto ប៉ុន្តែមាន Tesla Apps សម្រាប់បច្ចេកវិទ្យា Full Self-Driving (FSD) ក៏នៅរក្សាដ៏ដែលមាន Adaptive Cruise Control តែគ្មាន Autosteer លុះត្រាតែទិញជម្រើស FSD។
Tesla Model Y Standard 2026 ជាជម្រើសសមរម្យសម្រាប់អ្នកចង់បាន Tesla តម្លៃសមរម្យ។ ទោះបីត្រូវបាត់មុខងារមួយចំនួន ប៉ុន្តែវានៅតែជារថយន្តអគ្គិសនី SUV មានគុណភាព សន្សំសំចៃ និងមានបទពិសោធន៍ជិះល្អ។ សម្រាប់បងប្អូនយល់យ៉ាងណាដែរចំពោះការដកចេញ Option មួយចំនួនបែបនេះហើយការដកចេញនេះស័ក្តិសមនឹងតម្លៃដែរទេជួយខមមិនម្នាក់មួយផងនា។
