បន្ទាប់ពីបង្ហាញចេញនូវគម្រោងខ្សែកាបក្រោមបាតសមុទ្រជាច្រើន ពេលនេះ ក្រុមហ៊ុន Meta ដែលក្រុមហ៊ុនបច្ចេកវិទ្យាដ៏ធំរបស់សហរដ្ឋអាមេរិក ក៏ដូចជាក្រុមហ៊ុនរបស់លោក Mark Zuckerberg គឺបានប្រកាសបង្ហាញចេញនូវគម្រោងខ្សែកាបក្រោមបាតសមុទ្រថ្មីរបស់ខ្លួននៅក្នុងទ្វីបអាស៊ីហើយ ដោយក្នុងនោះ វាគឺមានឈ្មោះថា Candle ។
បើនិយាយពីប្រព័ន្ធខ្សែកាបក្រោមបាតសមុទ្រថ្មីនេះវិញ គឺត្រូវបានរចនាឡើងជាពិសេសដើម្បីបង្កើននូវការតភ្ជាប់ប្រព័ន្ធឌីជីថលនៅទូទាំងតំបន់់អាស៊ីបូព៌ា និងតំបន់់អាស៊ីអាគ្នេយ៍ ហើយវាគឺមានប្រវែងដល់ទៅ 8,000 គីឡូម៉ែត្រឯណ្ណោះ ពោលគឺតភ្ជាប់រវាងប្រទេសជប៉ុន តៃវ៉ាន់ ហ្វីលីពីន ឥណ្ឌូនេស៊ី ម៉ាឡេស៊ី និងសិង្ហបុរី នៅឆ្នាំ ២០២៨ ខាងមុខនេះ។
ជាមួយគ្នានេះ ប្រព័ន្ធខ្សែកាបក្រោមបាតសមុទ្រនេះទៀតសោត ក៏ត្រូវបានបង្កើតឡើងជាពិសេសដោយប្រើប្រាស់នូវបច្ចេកវិទ្យាកម្រិតខ្ពស់ដែលគេហៅថា 24 fiber-pair ផងដែរ ពោលគឺមានសមត្ថភាព និងល្បឿនផ្ទេរទិន្នន័យដល់ទៅ 570Tbps ឯណ្ណោះ ខណៈការផ្ទេរទិន្នន័យវិញ គឺអាចផ្ទេរទិន្នន័យដែលមានទំហំ 1TB ក្នុងរយៈពេលត្រឹមតែ 0.014 វិនាទីប៉ុណ្ណោះ៕