ក្នុងនោះ បើនិយាយពីស្មាតហ្វូនស៊េរីថ្មី Realme GT 8 Pro នេះ មិនត្រឹមតែមានការរចនាថ្មីប៉ុណ្ណោះនោះទេ ប៉ុន្តែវាក៏កាន់តែទទួលបាននូវ Specs កាន់តែកប់ផងដែរ ខណៈការរចនាកាមេរ៉ានៅផ្នែកខាងក្រោយវិញ គឺលែងមានការរចនាជារាងការ៉េទៀតហើយ ពោលគឺបានភ្ជាប់មកជាមួយការរចនាថ្មីជារាងមុខមនុស្ស និងជារាងរង្វង់វិញ។
ជាមួយគ្នានេះ បើប្រៀបធៀបនឹង Realme GT 7 Pro, Realme GT 8 Pro នេះ គឺនឹងទទួលបាន Specs កប់តែម្តង ពោលគឺនឹងទទួលបាននូវអេក្រង់ 2K ទំហំ ៦,៧៨អ៊ីញ ដែលមាន Refresh Rate រហូតដល់ទៅ 144Hz ឯណ្ណោះ ចំណែកឈីប និងថ្មវិញ ក៏ទទួលបាននូវស្តេចឈីប Snapdragon 8 Elite Gen 5 និងថាមពលថ្ម 7,000mAh+ ដែលគាំទ្រការសាកតាមខ្សែកម្លាំង 120W ផងដែរ។
ក្រៅពីនេះ សម្រាប់ផ្នែកខាងកាមេរ៉ាក្រោយវិញ Realme GT 8 Pro ក៏នឹងទទួលបាននូវលេនគោល និងលេន ultrawide 50MP ព្រមទាំងលេន periscope telephoto 200MP, ប្រព័ន្ធប្រតិបត្តិការ Realme UI 7 បូករួមជាមួយប្រព័ន្ធប្រតិបត្តិការ Android 16 ក៏ដូចជាអាវការពារកម្រិត IP69 និងម៉ាសុីនស្កេន Ultrasonic ចេញពីប្រអប់ផងដែរ។ ខណៈតម្លៃវិញ គឺអាចនឹងមានតម្លៃចាប់ពី $5០0 ប៉ុណ្ណោះ នៅក្នុងទីផ្សារប្រទេសចិន ហើយវានឹងប្រកាសចេញនៅចិននៅក្នុងពេលឆាប់ៗខាងមុខនេះនៅខែតុលានេះហើយ៕
ប្រភពៈ GSMArena
ពាណិជ្ជកម្ម
