ក្នុងនោះ បើនិយាយពីមនុស្សយន្ត AI, RT-G ថ្មីរបស់ចិននេះ មិនតែមានរូបរាងដូចកង់ឡានប៉ុណ្ណោះនោះទេ ប៉ុន្តែវាក៏មានបំពាក់នូវបច្ចេកវិទ្យាជាច្រើនផងដែរ ហើយវាគឺត្រូវបានបង្កើតឡើងជាពិសេសដោយក្រុមហ៊ុន Logon Technology ដើម្បីកំណត់អត្តសញ្ញាណ និងដេញតាមជនសង្ស័យ នៅពេលដើរល្បាតតាមដងផ្លូវដែលមានមនុស្សច្រើន។
បើនិយាយពីសមត្ថភាពរបស់មនុស្សយន្ត AI នេះ គឺអាចដំណើរការបានទាំងលើគោក និងក្នុងទឹកតែម្តង ហើយវាក៏អាចរត់លើផ្លូវ និងដីរដុប ដូចជា ក្រួស និងភក់ ជាមួយល្បឿនដល់ទៅ 35 km/h ផងដែរ។ ចំណែកសំបករបស់វាវិញ គឺត្រូវបានផលិតពីវត្ថុដែលអាចធន់នឹងកម្លាំងបុកបានដល់ទៅ ៤ តោនឯណ្ណោះ។
លើសពីនេះ វាក៏ទទួលបាននូវឧបករណ៍ចាប់សញ្ញា និងប្រព័ន្ធ AI កម្រិតខ្ពស់ដែលអាចស្កេនមុនដើម្បីកំណត់អត្តសញ្ញាណ និងតាមដានជនសង្ស័យ ឬឧក្រិដ្ឋជនបានផងដែរ។ ចំណែកក្នុងករណីប្រឈមមុខជាមួយជនសង្ស័យ ឬឧក្រិដ្ឋជនផ្ទាល់វិញ វានឹងប្រើប្រាស់នូវឧបករណ៍បំពងសំឡេងដើម្បីគ្រប់គ្រងស្ថានភាព ហើយបន្ទាប់មកបាញ់នូវកាំភ្លើងសំណាញ់ និងឧស្ម័នបង្ហូរទឹកភ្នែកដើម្បីចាប់ខ្លួនតែម្តង។
ជាមួយគ្នានេះ វាក៏អាចផ្ញើសារជូនដំណឹងទៅកាន់ក្រុមមន្ត្រីប៉ូលីសបានភ្លាមៗផងដែរ។ ខណៈនៅក្នុងពេលបច្ចុប្បន្ននេះ វាគឺត្រូវបានប្រើប្រាស់នូវនៅក្នុងទីក្រុងធំៗជាច្រើនដូចជា Wenzhou និង Hangzhou ៕