បន្ទាប់ពីបានដាក់គោលដៅក្លាយជាប្រទេសឈានមុខគេនៅក្នុងវិស័យបញ្ញាសិប្បនិម្មិត (AI) ពេលនេះ ចិន បានសម្រេចធ្វើការអនុវត្តនូវគោលដៅថ្មីរបស់ខ្លួនហើយ ដោយក្នុងនោះ ពួកគេនឹងបញ្ចូលបញ្ញាសិប្បនិម្មិត (AI) ទៅក្នុងផ្នែកទាំងអស់នៃប្រទេសតែម្តង ពោលគឺមានទាំងផ្នែកការងារ ការគ្រប់គ្រង រដ្ឋបាល និងជីវិតប្រចាំជាដើម។
ក្នុងនោះ ចំពោះការកំណត់គោលដៅថ្មីនេះ គឺដើម្បីប្រែក្លាយប្រទេសរបស់ខ្លួនទៅជាសង្គមដ៏ឆ្លាតវៃមួយនៅក្នុងឆ្នាំ 2035 នេះបើយោងតាមក្រុមប្រឹក្សារដ្ឋាភិបាលរបស់ប្រទេសចិនផ្ទាល់។
សម្រាប់ផែនការនេះ ចិនបានកំណត់ថា នៅឆ្នាំ 2027 ការប្រើប្រាស់បច្ចេកវិទ្យា AI នៅក្នុងប្រទេសខ្លួននឹងមានឈានដល់ចំនួន 70% ឬ 980 លាននាក់ នៃចំនួនប្រជាជនសរុប បន្ទាប់មក នៅឆ្នាំ 2030 អត្រានេះនឹងកើនឡើងដល់ 90% ហើយចំណែកនៅឆ្នាំ 2035 ដែលជាជំហានចុងក្រោយ គឺមានការប្រើប្រាស់នូវបច្ចេកវិទ្យាបញ្ញាសិប្បនិម្មិត (AI) ទូទាំងប្រទេសតែម្តង ពោលគឺដើម្បីផ្លាស់ប្តូរទៅជាសង្គមដ៏ឆ្លាតវៃមួយ និងប្រទេសដែលមានសេដ្ឋកិច្ចឆ្លាតវៃដំបូងគេនៅក្នុងពិភពលោក៕