ក្នុងនោះ បន្ទាប់ពីអាកាសយានដ្ឋានអន្ដរជាតិភ្នំពេញបិទប្រតិបត្តិការនៅវេលាម៉ោង ០០:00 យប់រំលងអធ្រាត្រថ្ងៃទី៨ ឈានចូលថ្ងៃទី ៩ ខែកញ្ញា ប្រតិបត្តិការទាំងអស់ នឹងជំនួសមកវិញដោយព្រលានយន្តហោះថ្មី គឺព្រលានយន្តហោះអន្តរជាតិតេជោ ដែលព្រលានយន្តហោះនេះ គឺអាចទទួលអ្នកដំណើរបានរហូតដល់ ១៣លាននាក់ ឯណ្ណោះ នៅក្នុង ១ឆ្នាំ ក្នុងដំណាក់កាលទីមួយ។
គួររំលឹកបងប្អូនផងដែរថា សម្រាប់់អាកាសយាន្តដ្ឋានអន្តរជាតិពោធិ៍ចិនតុង ឬអាកាសយានដ្ឋានអន្ដរជាតិភ្នំពេញ គឺត្រូវបានចាប់ផ្តើមសាងសង់ជាលើកដំបូងនៅក្នុងឆ្នាំ១៩៥៧ ដោយប្រទេសបារាំង រួចសម្ពោធនៅក្នុងឆ្នាំ១៩៥៩ ដោយមានឈ្មោះផ្លូវការថា អាកាសយាន្តដ្ឋានអន្តរជាតិពោធិ៍ចិនតុង ប៉ុន្តែបន្ទាប់មកត្រូវរុះរើ និងសាងសង់ឡើងវិញនៅក្នុងឆ្នាំ១៩៩៥ ដើម្បីទទួលយន្តហោះធំៗ និងឆ្លើយតបទៅនឹងកំណើនចំនួនអ្នកធ្វើដំណើរ។
ជាមួយគ្នានេះ នៅពេលត្រូវរុះរើសាងសង់ឡើងវិញ អាកាសយាន្តដ្ឋានអន្តរជាតិពោធិ៍ចិនតុង គឺត្រូវបានសាងសង់រួចរាល់ជាស្ថាពរនៅក្នុងឆ្នាំ២០០២ ដោយអាចទទួលអ្នកដំណើរបានដល់ ៥លាននាក់ ឯណ្ណោះ នៅក្នុង ១ឆ្នាំ បន្ទាប់មកនៅឆ្នាំ២០០៣ អាកាសយានដ្ឋានអន្តរជាតិពោធិ៍ចិនតុង ក៏ត្រូវបានប្តូរឈ្មោះទៅជាអាកាសយានដ្ឋានអន្តរជាតិភ្នំពេញវិញ ខណៈនៅក្នុងយប់ថ្ងៃទី៨ ក្នុងខែកញ្ញា ខាងមុខនេះ អាកាសយានដ្ឋានមួយនេះនឹងបញ្ឈប់ការដំណើរការជាផ្លូវការហើយ៕