បើនិយាយតាមពិតទៅ អ្នកទិញរថយន្តប្រណិតភាគច្រើន មិនសូវគិតពីបញ្ហាធំបំផុតអំពីតម្លៃទេ។ ទោះយ៉ាងណា សម្រាប់អ្នកណាដែលចាប់អារម្មណ៍ចង់បាន Lexus NX ជារថយន្តមានតម្លៃទាបជាងគេ នោះក្នុងឆ្នាំ 2026 វាបានក្លាយទោជារឿងឡើងថ្លៃជាងមុនវិញ។ ហេតុអ្វី? ព្រោះ Lexus បានបិទម៉ូឌែល NX250 (ម៉ាស៊ីន ៤ ស៊ីឡាំង មិនមែន Hybrid) ដែលឆ្នាំមុនចាប់ផ្តើមតម្លៃ $42,140។ សម្រាប់ឆ្នាំ 2026 ម៉ូឌែលចូលជួរ (entry point) គឺ NX350។ ទោះបីតម្លៃចាប់ផ្តើម $46,120 មានត្រឹមតែថ្លៃជាងឆ្នាំ 2025 ប្រហែល $220 ប៉ុណ្ណោះ ក៏វាបានបង្កើន “តម្លៃ floor” របស់ SUV ប្រណិតទំហំតូចនេះឡើងប្រហែល $4000។
ទោះជាយ៉ាងណា NX350 ក៏មានអ្វីបន្ថែមផងដែរ ដោយប្រើម៉ាស៊ីន Turbo ៤ ស៊ីឡាំង 275 កម្លាំងសេះ ជំនួសម៉ាស៊ីន ៤ ស៊ីឡាំងធម្មតា 203 កម្លាំងសេះ។ បន្ថែមពីនេះ Lexus ក៏អនុញ្ញាតឲ្យភ្ជាប់ជាមួយ កញ្ចប់ F Sport ជាមួយគ្រប់ប្រព័ន្ធម៉ាស៊ីន (powertrain) ទៀតផង មិនដូចឆ្នាំមុន ដែលមានតែ NX350 និង Plug-in Hybrid NX450+ ប៉ុណ្ណោះទេ។សម្រាប់អ្នកចូលចិត្ត Hybrid ក៏មានជម្រើសថ្មី។ NX350h ឥឡូវអាចជ្រើសរើសជាមួយប្រព័ន្ធ Front-Wheel Drive (FWD) ដែលលឿនតិចជាង AWD ប៉ុន្តែប្រើប្រាស់ប្រេងប្រសើរជាង ដោយសន្មត់ថាបាន 40 mpg រួម។ ចំណែកតម្លៃក៏ថោកជាង AWD ដែរ ដោយ FWD NX350h ចាប់ផ្តើម $45,470 ខណៈ AWD NX350h ចាប់ផ្តើម $47,020។
NX450h+ ជាសមាជិកខ្លាំងបំផុតនៃគ្រួសារ NX ដោយប្រើប្រព័ន្ធ Plug-in Hybrid (PHEV) ដែលបញ្ចូលម៉ាស៊ីន ៤ ស៊ីឡាំង 2.5 លីត្រ ជាមួយម៉ូទ័រអគ្គិសនី ៣ និងថ្ម 18-kWh។ ប្រព័ន្ធនេះអាចបង្កើតបាន 302 កម្លាំងសេះ និងអាចបើកដោយអគ្គិសនីសុទ្ធបាន 37 ម៉ាយ។សម្រាប់ឆ្នាំ 2026 Lexus ក៏បាននាំចូល Trim Premium ដែលចាប់ផ្តើមតម្លៃ $59,105 ដើម្បីបន្ថយតម្លៃចូលរួមនៃ NX450h+។ កាលពីឆ្នាំមុន តម្លៃទាបបំផុតគឺ Luxury Trim $62,415 ខណៈឆ្នាំ 2026 វាកើនទៅ $63,035។
ដើម្បីឲ្យងាយស្រួលក្នុងការចោទថ្ម Lexus ក៏ផ្គត់ផ្គង់ខ្សែសាកអគ្គិសនី dual-voltage ជាមួយនឹង NX PHEV ទាំងអស់ ដើម្បីឲ្យម្ចាស់អាចប្រើ Level 1 និង Level 2 Charger បាន។បន្ថែមលើនេះ មានការផ្លាស់ប្តូរដ៏គួរឲ្យចាប់អារម្មណ៍ទៀតគឺ ការណែនាំ ពណ៌ Infrared ជាជម្រើសថ្មី តម្លៃ $595។
