បន្ទាប់ពីមិនបានបង្ហាញចេញនូវការអាប់ឌែតថ្មីក្នុងទ្រង់ទ្រាយធំអស់រយៈពេលជាច្រើនឆ្នាំសម្រាប់កាស AirPods របស់ខ្លួន ពេលនេះ ក្រុមហ៊ុន Apple គឺត្រូវបានគេរាយការណ៍ហើយថា បាន និងកំពុងរៀបនូវចំបង្ហាញចេញនូវការអាប់ដេតថ្មីដ៏ធំបំផុតសម្រាប់កាស AirPods Pro 3 របស់ខ្លួនហើយ ដោយក្នុងនោះ សម្រាប់កាសជំនាន់ថ្មីនេះនឹងផ្ដល់នូវបទពិសោធន៍ស្តាប់តន្ត្រី និងការតាមដានសុខភាពកាន់តែទាន់សម័យ។
ក្នុងនោះ សម្រាប់ការអាប់ដេតសំខាន់ៗរបស់កាសជំនាន់ថ្មីនេះរួមមានមុខងារតាមដានចង្វាក់បេះដូងដោយប្រើប្រាស់នូវឧបករណ៍ចាប់សញ្ញាអុបទិក (Optical Sensor) ដែលអាចវាស់លំហូរឈាមលើស 100 ដងក្នុងមួយវិនាទី, បច្ចេកវិទ្យា Spatial Audio និងមុខងារគាំទ្រកម្មវិធី Health នៅលើ iPhone ជាដើម។ លើសពីនេះ ក៏បានធ្វើឲប្រសើរឡើងទៅលើផ្នែកសម្លេងដូចជាមុខងារកាត់សំឡេងរំខាន និងទទួលបាននូវបន្ទះឈីប H3 ថ្មី ដែលធ្វើឱ្យថាមពលថ្មកាន់តែមានប្រសើរឡើងផងដែរ។
ជាមួយគ្នានេះ សម្រាប់ Charging Case វិញ ក៏អាចនឹងលុបនូវប៊ូតុងចុចធម្មតា (usual pairing button) ហើយជំនួសមកវិញដោយប្រើ touch-sensitive panel នៅផ្នែកខាងមុខផងដែរ ពោលគឺអាចប៉ះ ឬរុញ ដើម្បីគ្រប់គ្រង កែសម្រួលសំឡេង ឬរំលងបទចម្រៀងជាដើម។
គួរបញ្ជាក់់ថា សម្រាប់កាស AirPods Pro 3 នេះ នឹងប្រកាសចេញនៅក្នុងថ្ងៃទី៩ នៅខែកញ្ញា ខាងមុខនេះហើយ ជាមួយនឹង iPhone 17 Series ហើយអាចនឹងមានតម្លៃតែ ២៤៩ដុល្លារ ប៉ុណ្ណោះ នៅក្នុងទីផ្សារសហរដ្ឋអាមេរិក៕